ឡិចស៊ីសបុកគោងាប់១ក្បាលរបួសធ្ងន់១ក្បាលខណៈអ្នកបើករួចពីគ្រោះថ្នាក់
ផ្សាយថ្ងៃទី១៨-១០-២០១១: ដកស្រង nokorwatnews
ខេត្ដកំពត ៖ រថយន្ដឡិចស៊ីស១គ្រឿងបានបុកគោ២ក្បាលខណៈគោកំពុងដើរលើចិញ្ចឹមផ្លូវកាលពីម៉ោង៥ល្ងាចថ្ងៃទី១៦ ខែតុលា ឆ្នាំ២០១១ នៅផ្លូវទឹកឈូខាងត្បូងសាលាឃុំចម្ងាយ១០០ម៉ែត្រ ស្ថិតនៅភូមិ-ឃុំស្នំប្រាំពីរ ស្រុកទឹកឈូ ខេត្ដកំពត ។
នៅកន្លែងកើតហេតុសាក្សីបានឱ្យដឹងថានៅ មុនពេលកើតហេតុរថយន្ដឡិចស៊ីសបើកចេញពីរមណីយដ្ឋានទឹកឈូហើយជិតដល់កន្លែងកើតហេតុរថយន្ដឡិចស៊ីសនោះបានគេចជង្ហុក ស្របពេលមានគោ២ក្បាលដើរក្បែរនោះ រថយន្ដក៏បុកគោ១ក្បាលខ្ទាតចេញពីថ្នល់ធ្លាក់ស្រែរួចក៏កៀរគោ១ក្បាលទៀតបណ្ដាលឱ្យធ្លាក់ទៅក្នុង
ស្រែជាមួយគ្នាទើបរថយន្ដជ្រុលចង្កូតទៅបុករបងថ្មបន្ថែមទៀត ។
នគរបាលឱ្យដឹងថា ហេតុការណ៍គ្រោះថ្នាក់ចរាចរណ៍នេះពុំមានមនុស្សរងរបួសឡើយគ្រាន់តែងាប់គោ១ក្បាលនិងរបួស១ក្បាលប៉ុណ្ណោះ។ មន្ដ្រីដដែលបន្ដថា អ្នកបើករថយន្ដឡិចស៊ីសឈ្មោះយីន ចន្ធី ភេទប្រុស អាយុ២១ឆ្នាំ រស់នៅអង្គតាសោម ឃុំអង្គតាសោម ស្រុកត្រាំកក់ ខេត្ដតាកែវ ។ ពេលបុកគោនៅក្នុងរថយន្ដមានអ្នករួមដំណើរ៤ នាក់ទី១-ឈ្មោះសុដា ស៊ីន ភេទស្រី អាយុ២៣ឆ្នាំ, ទី២-ឈ្មោះសូ ធារី ភេទស្រី អាយុ២៥ ឆ្នាំ, ទី៣ឈ្មោះ-លី សីដា ភេទស្រី អាយុ២៣ឆ្នាំ និងទី៤ឈ្មោះខៀវ
ដារ៉ា ភេទប្រុស អាយុ២១ឆ្នាំ អ្នកទាំងនេះរស់នៅ រាជធានីភ្នំពេញ ។
នគរបាលចរាចរខេត្ដបានបន្ដថា រថយន្ដឡិចស៊ីសដែលបង្កហេតុដំបូងបើកចេញពីតំបន់រមណីយដ្ឋានទឹកឈូក្នុងល្បឿនលឿន ។ លុះមកជិតដល់ចំណុចកើតហេតុរថយន្ដនេះបានគេចចង្ហុកក៏ជ្រុលទៅបុកគោ២ក្បាលដែលក្មេងកំពុងដឹកបណ្ដើរតាមចិញ្ចើមថ្នល់ខ្ទាតធ្លាក់ពីថ្នល់ងាប់១ក្បាលនិង១ក្បាលទៀតរបួសធ្ងន់ហើយក៏ជ្រុលចង្កូតទៅបុករបងថ្មរបស់អ្នកស្រុកធ្វើឱ្យប្រះទើបរថយន្ដនោះឈប់ ។
នគរបាលបន្ដថា ក្រោយពីកើតហេតុរថយន្ដឡិចស៊ីសនិងអ្នកដំណើរក្នុងរថយន្ដត្រូវឃាត់មកកាន់ការិយាល័យចរាចរខេត្ដរង់ចាំដោះស្រាយជាមួយម្ចាស់គោ ព្រោះរថយន្ដបើកមកបុកគោពេលក្មេងកំពុងដឹកមិនមែនត្រូវម្ចាស់ព្រលែងចោលនោះទេ។ នេះបើតាម ការអះអាងខាងភាគីម្ចាស់គោ។ ចំណែកភាគីខាងរថយន្ដឡិចស៊ីសបានអះអាងថា ពេលរថយន្ដបុកគោគឺគោ២ក្បាលនេះពុំមានអ្នកណាឃ្វាលទេ។ ម្ចាស់រថយន្ដបន្ដថា ក្មេងម្ចាស់គោបានព្រលែងគោចោលហើយគេទៅមុជទឹកក្នុងស្រែពេលរថយន្ដបើកដល់កន្លែងកើតហេតុគោក៏ផ្អើលចូលរថយន្ដតែម្ដង ៕
No comments:
Post a Comment