តួរីសដឹកប្រេងគេចពន្ធបុករ៉ឺម៉កម៉ូតូ របួសធ្ងន់២នាក់
ផ្សាយថ្ងៃទី១៨-១០-២០១១: ដកស្រង nokorwatnews
ខេត្ដកំពត ៖ រថយន្ដតួរីសដឹកប្រេងគេចពន្ធមួយគ្រឿងបានបុករ៉ឺម៉កម៉ូតូលាន់ដូចរន្ទះបាញ់បណ្ដាលឱ្យបុរស២នាក់ ជិះក្នុងរ៉ឺម៉ករងរបួសធ្ងន់ ។ ចំណែកអ្នកបើករថ
យន្ដដឹកប្រេងគេចពន្ធនិងព្រូឡានត្រូវបក្ខពួកយកកូនឡានមករំដោះចេញពីកន្លែងកើតហេតុបាត់ស្រមោល ។
តាមប្រភពព័ត៌មាននៅកន្លែងកើតហេតុបានបញ្ជាក់ថា ករណីគ្រោះថ្នាក់ចរាចរនេះ បានកើតឡើងនៅម៉ោង២០ ង៣០នាទី ថ្ងៃទី១៧ ខែតុលា ឆ្នាំ២០១១ នៅលើកំ
ណាត់ផ្លូវជាតិលេខ៣ កំពត-ភ្នំពេញ ស្ថិតក្នុងភូមិព្រៃថ្នង ឃុំព្រៃថ្នង ស្រុកទឹកឈូរ ខេត្ដកំពត ។ រថយន្ដបង្កឱ្យមានមនុស្សរងរបួសពាក់ស្លាកលេខ ត-១៣០៣ ពភ
ពណ៌ខៀវ ជាប្រភេទរថយន្ដ តួរីស ។
សាក្សីនិយាយឱ្យដឹងថា ក្រោយកើតហេតុ អ្នកបើករថយន្ដនិងព្រូឡានរួមជាមួយអ្នកជិះម្នាក់ទៀត ត្រូវគេដឹងថា ជាថៅកែប្រេងបានយកកូនឡានមករំដោះ អ្នកទាំង៣គេចចេញពីកន្លែងកើតហេតុខណៈមានមនុស្សបានជួយទាញចេញពីកាប៊ីនរថយន្ដដោយមានរបួសដែរនោះ។
ដោយឡែកបុរស២នាក់ដែលត្រូវ រថយន្ដដឹកប្រេងបុកឱ្យរងរបួសត្រូវបាន គេស្គាល់ ១-ឈ្មោះ សើ ម៉ាត់ណូត អាយុ ២៥ឆ្នាំ ជាអ្នកបើករ៉ឺម៉ក និងអ្នករួម ដំណើរ ២-ឈ្មោះ សើ ស៊ូគី អាយុ២៣ឆ្នាំ អ្នកទាំង២រស់នៅភូមិ-ឃុំព្រៃថ្នង ស្រុក ទឹកឈូរ ខេត្ដកំពត ។
អ្នកឃើញហេតុការណ៍នៅកន្លែងកើតហេតុបានឱ្យដឹងថា មុនរថយន្ដតួរីសដឹកប្រេងគេចពន្ធបុកអ្នកជិះរ៉ឺម៉ក រថយន្ដនេះបានធ្វើដំណើរពីកើតទៅលិច តាមបណ្ដោយផ្លូវជាតិលេខ៣ ដោយរថយន្ដពុំមានភ្លើងបំភ្លឺខាងមុខទេ ។ លុះមកដល់កន្លែងកើតហេតុក៏បានបុករ៉ឺម៉កម៉ូតូក្នុងទិសដៅច្រាសគ្នាបណ្ដាលឱ្យអ្នកជិះរ៉ឺម៉កនិងអ្នកបើករងរបួសធ្ងន់តែម្ដង ។ សាក្សីបានបញ្ជាក់ថា រថយន្ដបានវាក់ជាមួយរ៉ឺម៉កក្នុងល្បឿងលឿន ហើយបានជាន់ហ្វ្រាំងអូសជាច្រើនម៉ែត្រតែនៅតែជ្រុលទៅបុករ៉ឺម៉កពេញទំហឹង ។
មន្ដ្រីនគរបាលចរាចរបានឱ្យដឹងថា រថយន្ដដឹកប្រេងដែលម្ចាស់រត់ចោលនិងរ៉ឺម៉កត្រូវបានអូសយកមករក្សាទុកនៅប៉ុស្ដិ៍រដ្ឋបាលឃុំព្រៃថ្នងជាបណ្ដោះអាសន្ន រង់ចាំប្រគល់ឱ្យខាងជំនាញយកទៅដោះស្រាយ ខណៈដែលបុរសរងរបួសត្រូវបានបញ្ជូនទៅសម្រាកព្យាបាលនៅមន្ទីរពេទ្យឯកជន៕
No comments:
Post a Comment