ប្រេងឡើងថ្លៃលើស៨៨ដុល្លារក្នុងមួយបារ៉ែល បន្ទាប់ពីការផ្គត់ផ្គង់ប្រេងអាមេរិកធ្លាក់ចុះ
ផ្សាយថ្ងៃទី២០-១០-២០១១: ព័ត៌មានអន្ដរជាតិ ដកស្រង kohsantepheapdaily
ការជួញដូរប្រេងក្នុងទីផ្សារទីក្រុងញួវយ៉កមានតម្លៃ៨៨,២៧ដុល្លារក្នុងមួយបារ៉ែល ចំណែកកាលពីម្សិលមិញតម្លៃប្រេងកើនឡើងដល់៨៨,៣៤ដុល្លារក្នុងមួយបារ៉ែល។
វិទ្យាស្ថានប្រេងអាមេរិក កាលពីថ្ងៃអង្គារ ទី១៨ តុលា ថា ការផលិតប្រេងបានធ្លាក់ចុះ
៣,១លាន បារ៉ែលកាលពីសប្តាហ៍មុនស្របពេលដែលអ្នកវិភាគស្ទង់មតិថា ព័ត៌មាន
ស្តីពីថាមពលនៃក្រុមហ៊ុន McGraw-Hill Cos បានរំពឹងថា នឹងកើនឡើង១,៨
លានបារ៉ែល។
ការកែច្នៃប្រេងបានធ្លាក់ចុះ១,៦លានបារ៉ែល កាលពីសប្តាហ៍មុនស្របពេលដែលមានការខាតបង់ក្នុងពេលចំរាញ់ចំនួន២,២លានបារ៉ែល។ នេះបើតាមវិទ្យាស្ថានប្រេងអាមេរិក។
របាយការណ៍ប្រចាំសប្តាហ៍របស់រដ្ឋបាលព័ត៌មានថាមពលនៃក្រសួងថាមពលអាមេរិកបានចេញផ្សាយនៅថ្ងៃកាលពីថ្ងៃទី១៩ តុលា ឱ្យដឹងថា ប្រេងកើនឡើង១៧ភាគរយចាប់ពីតម្លៃ៧៥ដុល្លារក្នុងមួយបារ៉ែលនៅពីរសប្តាហ៍មុន ដោយសារសុទិដ្ឋិនិយមនៃអ្នកវិនិយោគទៅលើមេដឹកនាំអឺរ៉ុបដែលនឹងប្រកាសពីផែនការឆាប់ៗក្នុងការគ្រប់គ្រប់វិបត្តិប្រាក់បំណុលរបស់ខ្លួន។
អ្នកវិភាគខ្លះបានព្យាករណ៍ពីទំនិញនានាក្នុងនោះដូចជា ប្រេងនឹងធ្លាក់ចុះ នៅឆ្នាំក្រោយដោយសារការកើនឡើងនៃសេដ្ឋកិច្ចពិភពលោកទន់ខ្សោយ និងការកើនឡើងនៃប្រាក់ដុល្លារ ដែលនឹងធ្វើឲ្យតម្លៃប្រេងកាន់តែថ្លៃ សំរាប់អ្នកវិនិយោគជាមួយរូបិយវត្ថុផ្សេងៗ៕
No comments:
Post a Comment