មន្រ្តីរាជការស៊ីវិលចាប់ពីថ្ងៃនេះតទៅអាចបើកបា្រក់របបសន្តិសុខសង្គមតាមធនាគារអេស៊ីដា
ផ្សាយថ្ងៃទី២២-០៩-២០១១: ដកស្រង bayontv
ភ្នំពេញ៖ កាលពីល្ងាចថ្ងៃទី២១ ខែកញ្ញា ឯកឧត្តម អ៊ិត សំហេងរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញជាគណៈអធិបតីក្នុងពិធីចុះហត្ថលេខាកិច្ចព្រមព្រៀងធ្វើជាដៃគូសហប្រតិបត្តិការរវាងបេឡាជាតិសន្តិសុខសង្គមសម្រាប់មន្រ្តីរាជការស៊ីវិល ជាមួយធនាគារ អេស៊ីលីដាភីអិលស៊ីក្នុងកិច្ចថែរក្សា និងការពារសុវត្ថិភាពលើការបើកប្រាក់របបសោធន និងប្រាក់ឧបត្ថម្ភគោលនយោបាយ ដល់មន្ត្រីរាជការចូលនិវត្តន៍។
ពិធីចុះហត្ថលេខាលើកិច្ចព្រមព្រៀងនេះ ត្រូវបានធ្វើឡើងរវាង លោក ជួរ រតនៈ នាយកបេឡាជាតិសន្តិសុខសង្គមសម្រាប់មន្ត្រីរាជការស៊ីវិល និងលោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដាភីអិលស៊ី នៅសណ្ឋាគារភ្នំពេញ។
បេឡាជាតិសន្តិសុខសង្គមសម្រាប់មន្ត្រីរាជការស៊ីវិលនេះ ត្រូវបានបង្កើតដោយរាជរដ្ឋាភិបាលនៃព្រះរាជាណាចក្រកម្ពុជាមានតួនាទីជាអ្នកបម្រើសេវារបបសន្តិសុខសង្គម ជូនកាតាលិករចំនួន៦ រួមមាន ការចូលនិវត្តន៍ ការបាត់បង់សម្បទាវិជ្ជាជីវៈ ការសម្រាលបុត្រ គ្រោះថ្នាក់ការងារ មរណភាព និងអ្នកនៅក្នុងបន្ទុក។
លោក ជួរ រតនៈ មានប្រសាសន៍ថា មូលនីធិដែលទទួលបានភាគទានខាងលើ និងរក្សាទុកជាមួយធនាគារអេស៊ីលីដា សម្រាប់ការបើកផ្តល់ប្រាក់របបសោធន និងប្រាក់ឧបត្ថម្ភតាមគោលនយោបាយ ដល់មន្រ្តីរាជការស៊ីវិលចូលនិវត្តន៍ ឬអ្នកទទួលសិទ្ធនៅខេត្តទាំង២៣ដែលមានសិទ្ធទទួលពីរាជរដ្ឋាភិបាលកម្ពុជា។
លោក អ៊ិន ចាន់នី មានប្រសាសន៍ថា នេះគឺជាវិវត្តន៍ល្អមួយទៀតនៃការកំណែទំរង់អភិបាលកិច្ចល្អរបស់រាជរដ្ឋាភិបាលក្នុងការជំរុញស្ថាប័នសាធារណៈគ្រប់គ្រងមូលនីធិរបស់ខ្លួនតាមប្រព័ន្ធធនាគារ ដែលធ្វើឲ្យកាតាលិករទាំងអស់មានជំនឿទុកចិត្តច្បាស់ និងធនាបានថាការទូទាត់ ការបើកផ្តល់ប្រាក់របបសោធនទាំង២៣ខេត្តមានភាពលឿនរហ័ស និងរាល់កាតាលិករទាំងអស់អាចបើកប្រាក់ទាំងនេះបាននៅគ្រប់សាខាធនាគារអេស៊ីលីដាទាំងអស់ទូទាំងព្រះរាជាណាចក្រកម្ពុជា៕
No comments:
Post a Comment