ឆ្កែដែលអត់អាហារខាំស៊ីម្ចាស់នៅឥណ្ឌូនេស៊ី
ផ្សាយថ្ងៃទី០៩-០៩-២០១១: អន្ដរជាតិៈ ដកស្រង cen.com
ប្រព័ន្ធផ្សព្វផ្សាយបានរាយការណ៍កាលពីថ្ងៃពុធថាប៉ូលិសនៅឥណ្ឌូនេស៊ីបានបាញ់សម្លាប់ឆ្កែ៣ក្បាលក្នុងចំណោមឆ្កែ៧ក្បាលដែលគេសង្ស័យថាបានខាំម្ចាស់វាស៊ីបន្ទាប់ពីសត្វទាំង៧ក្បាលនេះត្រូវម្ចាស់វាទុកចោលអោយអត់អាហារអស់២សប្តាហ៍។
កាសែតបាននិយាយថាបងប្អូនម្នាក់បានឃើញផ្នែកនៃសាកសពរបស់អង់ដ្រេ លុមបូហ្គានៅផ្ទះបាយនៃផ្ទះរបស់គាត់នៅលើកោះបាតាំកាលពីថ្ងៃអង្គារនៅពេលនាងបានមកលេងអង់ដ្រេ លុមបូហ្គាបន្ទាប់ពីការហៅទូរស័ព្ទគ្មាននរណាទទួល។
កាសែតបន្តថា"ឆ្កែទាំងនេះមិនដែលអោយចេញមកខាងក្រៅទេ។ពីព្រោះពួកវាត្រូវបង្ខាំងអោយតែក្នុងបរិវេណផ្ទះ ពួកវាមិនអាចចេញមករកចំណីបានទេ"។
លុមបូហ្គាអាយុ៦០ឆ្នាំបានចាកចេញពីផ្ទះកាលពីពាក់កណ្តាលខែសីហាដើម្បីទៅដើរលេងនៅកោះស៊ូឡាវេស៊ីនិងបានវិលមកវិញនៅថ្ងៃ៣០សីហា។នៅពេលគាត់វិមលមកវិញ គាត់អាចត្រូវឆ្កែខាំ
ស៊ី។
កាតាបឥវ៉ាន់របស់គាត់ជ្រុះនៅមុខផ្ទះ។
ប៉ូលិសបានសម្លាប់ឆ្កែ៣ក្បាលនៅពេលពួកវាបានព្យាយាមខាំប៉ូលិសនៅពេលពួកគេបានទៅដល់ផ្ទះនេះកាលពីថ្ងៃអង្គារ។
អ្នកជិតខាងបាននិយាយថាពួកគេមិនមានការសង្ស័យអ្វីទេទោះជាធុំក្លិនស្អុយចេញពីផ្ទះនេះក្តីពីព្រោះគិតស្មានថាជាខ្មោចកណ្តុរ៕
No comments:
Post a Comment