ថៃចាប់បានថ្នាំញៀនតម្លៃ៣៣លានដុល្លារដែលនាំចូលមកពីភូមា
ផ្សាយថ្ងៃទី០៩-០៩-២០១១: អន្ដរជាតិៈ ដកស្រង cen.com
ពួកមន្ត្រីបាននិយាយកាលពីថ្ងៃព្រហស្បត៍ថាអាជ្ញាធរថៃបានចាប់បានថ្នាំញៀនខុសច្បាប់រួមមានហេរ៉ូអ៊ីននិងមេតាំហ្វេតាមីនដែលមានតម្លៃប្រមាណ៣៣លានដុល្លារនិងដែលត្រូវគេជឿថាត្រូវបាននាំចូលមកពីភូមា។
កងកម្លាំងយោធាព្រំដែន ដែលបានបន្លំជាឈ្មួញថ្នាំញៀនបាននិយាយថាខ្លួនបានដាក់ចំណុចឆែកឆេរមួយនៅខេត្តឈៀងរ៉ៃកាលពីយប់ថ្ងៃពុធ។ទាហានបានព្យាយាមឃាត់រថយន្តពិកអាប់សង្ស័យមួយតែរថយន្តបានបើករត់។
រថយន្តនិងថ្នាំញៀន រួមមានម៉ាទឹកកក៩៥គីឡូក្រាមនិងហេរ៉ូអ៊ីន៣,៤គីឡូក្រាម ក្រោយមកត្រូវបានរកឃើញបោះបង់ចោលនិងមិនមានចាប់បានជនសង្ស័យណាម្នាក់ទេ។
វាជាការចាប់បានថ្នាំញៀនច្រើនមិនធម្មតាដែលគេគិតថាវាមានតម្លៃប្រមាណ១.០០០លានបាតឬ៣៣លានដុល្លារ។
ប្រទេសភូមាជាអ្នកផលិតអាភៀនធំបំផុតទី២ក្នុងលោកបន្ទាប់ពីអាហ្វហ្កានីស្ថាននិងពួកឧទ្ទាមជនជាតិភាគតិចនៅខាងកើតប្រទេសត្រូវគេជឿថាជាអ្នកជួញដូរថ្នាំញៀនហេរ៉ូអ៊ីននិងមេតាំហ្វេតាមីនធំបំផុត៕
No comments:
Post a Comment