អាមេរិកប្រកាសអាសន្នពីខ្យល់ព្យុះនៅរដ្ឋចំនួន៤
ផ្សាយថ្ងៃទី២៦-០៨-២០១១
អន្ដរជាតិ
nokorwatnews
អាមេរិកបានប្រកាសអាសន្នពីខ្យល់ព្យុះIreneដែលអាចបោះបង់ចូលនៅ លើដីគោករដ្ឋចំនួន៤នៅអាមេរិក ក្នុងនោះមានញូវយ៉ក វើជឺនៀ ញូវជឺស៊ី និងម៉ារី ឡេន ។
រដ្ឋទាំង៤នេះអាចរងផលប៉ះពាល់យ៉ាងធ្ងន់ជាងគេបំផុត ពេលដែលខ្យល់ព្យុះIreneបក់បោកចូលមកដល់
។ តាម ការព្យាករណ៍ នៅថ្ងៃទី២៧ សីហានេះ ខ្យល់ព្យុះនោះនឹងបក់បោកចូលដល់បណ្ដា រដ្ឋខាងលើ ។ ជាមួយនឹងការប្រកាស អាសន្នជាមុន បណ្ដារដ្ឋទាំងនោះនឹងចាត់ វិធានការទប់ស្កាត់ឱ្យបានល្អប្រសើរនិង បញ្ជូនកម្លាំងសម្រាប់ទប់ស្កាត់ហេតុ ការណ៍អាក្រក់កើតឡើងបណ្ដាលមកពី គ្រោះធម្មជាតិខ្យល់ព្យុះ ។ កន្លងមក ដោយសារតែការវាយតម្លៃទាបពីខ្យល់ ព្យុះ ធ្វើឱ្យអាមេរិករងគ្រោះមហន្ដរាយ សោកនាដកម្មយ៉ាងអាណោចអធ័មបំផុត កាលពីឆ្នាំ១៩៣៨ ។
ពេលនេះ ល្បឿននៃខ្យល់ព្យុះIrene គឺ ១៣០គីឡូម៉ែត្រក្នុងមួយម៉ោង ហើយ អាចនឹងកើនជាបន្ដបន្ទាប់ដោយពេល នេះកំពុងបក់បោកឆ្ពោះទៅកាន់រដ្ឋកាលី ហ្វ័រនីញ៉ាភាគខាងជើង ហើយបក់បោក ចូលទៅបណ្ដាកោះមុនពេលចូលទៅដី គោកតំបន់បាហាម៉ាស់កាលពីថ្ងៃទី២៥ សីហាកន្លងមក ។
ខ្យល់ព្យុះIreneបក់បោកចូលដីគោក បាហាម៉ាស់មានល្បឿន១១៥គីឡូម៉ែត្រ ក្នុងមួយម៉ោង ហើយត្រូវគេព្យាករណ៍ថា នឹងបក់បោកចូលទីក្រុងវ៉ាស៊ីនតោននៅ ថ្ងៃទី២៨ សីហា ។ បន្ទាប់មកខ្យល់ព្យុះ នឹងបន្ដបក់បោកចូលទៅកាន់ទីក្រុងញូវ យ៉ក បង្កផលប៉ះពាល់យ៉ាងខ្លាំងដល់ជើង ហោះហើរនៅថ្ងៃទី២៨ និងព្រឹកថ្ងៃទី២៩ សីហា ។
តាមការប៉ាន់ប្រមាណពីការខូចខាត ដោយខ្យល់ព្យុះIreneបង្កឡើងមិនគិតពី ការខូចខាតអាយុជីវិតនិងកម្លាំងពល-កម្មមានទឹកប្រាក់រហូតដល់៣៤ពាន់ លានដុល្លារ ហើយអាចកើនដល់១០០ ពាន់លានដុល្លារប្រសិនបើខ្យល់ព្យុះនោះ បក់បោកខុសទីតាំងដែលបានព្យាករណ៍នោះ ៕
No comments:
Post a Comment