តម្លៃ​មាស​ធ្លាក់​ចុះ​​ក្រោយ​ឡើង​កប់​ពពក​៤​ថ្ងៃ​ជាប់​គ្នា

ថ្ងៃទី១២-០៨-២០១១
អន្ដរជាតិ

postkhmer

                                                             

  អតិថិជន ​ម្នាក់​សម្លឹង​មើល​ខ្សែ​ក​មាស​នៅ​ក្នុង​ហាង​លក់​មាស​
មួយ​កន្លែង​ក្នុង​ រដ្ឋធានី​ហាណូយ​នៅ​ថ្ងៃ​ព្រហស្បតិ៍ ទី​១១
ខែ​សីហា ឆ្នាំ​២០១១។ Reuters

សិង្ហបុរីៈ មាស​បាន​ធ្លាក់​ថ្លៃ​ពី​តម្លៃ​ខ្ពស់​បំផុត ១៨០០​ដុល្លារ​ក្នុង​មួយ​អោន​(៨,៣​ជី)​បន្ទាប់ពី​ក្រុម​
ហ៊ុន CME Group Inc បាន​​បង្កើន​ដល់​ប្រាក់​ចំណេញ​នៅ​លើ​កិច្ច​សន្យា​អនាគត​ ដោយ​ជំរុញ​ឲ្យ​វិនិយោគិន​មួយចំនួន​លក់​មាស ​បន្ទាប់ពី​តម្លៃ​មាស​បាន​ឡើង​ថ្លៃ​រយៈ​ពេល​បួន​ថ្ងៃ​ជាប់​គ្នា។

តម្លៃ​មាស​ដុំ​សម្រាប់​ទិញ​លក់​ភ្លាម​ៗ​បានធ្លាក់​ចុះ ០,៨​ភាគ​រយ​ដល់​ ១៧៧៩,២០​ដុល្លារ​ក្នុង​មួយ​អោន និង​ទិញ​លក់​នៅ​តម្លៃ​ ១ ៧៨៣,៦៥​ដុល្លារ​នៅ​ម៉ោង​ ២:​៤៧​ល្ងាច​នៅ​ប្រទេស​សិង្ហបុរី។ ពេល​ថ្មីៗ​នេះ មា​ស​បាន​ឡើង​ថ្លៃ​ ១,២​ភាគ​រយ​ ពោល​គឺ​ឡើង​ដល់​ ១៨១៤,៩៥​ដុល្លារ ដោយ​សារ​​ក្តី​បារម្ភ​ថា កំណើន​សេដ្ឋកិច្ច​ពិភពលោក កំពុង​នៅ​ទ្រឹង​ពីព្រោះ​តែ​រដ្ឋាភិបាល​អាមេរិក និង​អឺរ៉ុប នៅ​តែ​មាន​ឧបសគ្គ​ដោយ​សារ​បំណុល៕