អ្នកវិទ្យាសាស្ត្ររបស់សហរដ្ឋអាមេរិករកឃើញចំនុចជ្រាបទឹកនៅភពព្រះអង្គារ
ថ្ងៃទី០៥-០៨-២០១១
អន្ដរជាតិ
bayontv
អាមេរិក៖ ភ្នាក់ងារអវកាសជាតិរបស់សហរដ្ឋអាមេរិកណាហ្សា បានអោយដឹងថា យានអវកាសស្ទង់ទិន្នន័យបានបង្ហាញអំពីស្នាមហៀរទឹកនៅភពព្រះអង្គារ ដែលជាសញ្ញាល្អនៅលើភពនេះ សម្រាប់បញ្ជូនមនុស្សទៅរស់នៅ។
អ្នកអវកាសបានអោយដឹងថា៖ មានចំនុចចំនួន ២០កន្លែង ដែលត្រូវបានសង្ស័យថា មានជ្រាបទឹក ប៉ុន្តែ ៧កន្លែង ក្នុងចំណោម ២០កន្លែងនោះពិត ជាមានជ្រាបទឹកមែន ហើយទឹកដែលជ្រាបចេញក្រៅនោះ គឺជាទឹកប្រៃ។
លោកម៉ាក អ៊ីវែន បានអោយដឹងថា៖ យោងតាមទិន្នន័យវិភាគ ភពព្រះអង្គារអាចមានលក្ខណៈអំណោយផលដូចភពព្រះចន្ទដែរ ដោយសារភពព្រះចន្ទមានប្រភពទឹក និងអ៊ុកស៊ីសែនផងដែរ ដែលមនុស្សនៅលើផែនដីអាចទៅរស់នៅទីនោះបាន បើសិនជាផែនដីចង្អៀត។
នៅពេលអនាគត មនុស្សនៅលើភពផែនដីអាចចង្អៀតគ្មានកន្លែងរស់នៅ ដោយសារកំណើនចំនួនមនុស្ស ប៉ុន្តែភពព្រះចន្ទជជាកន្លែងសមស្របអោយមនុស្សរស់នៅបាន៕
No comments:
Post a Comment