ចាប់គ្រូប្រមូលលុយពេលប្រឡងបាក់ឌុប

ថ្ងៃទី២៧-០៧-២០១១
everyday.com
មន្ដ្រីក្រសួងអប់រំបានចាប់ខ្លួនគ្រូអនុរក្សមួយចំនួនដែលប្រមូលប្រាក់

សិស្សក្នុងមណ្ឌលប្រឡងបាក់ឌុបទាំងនៅរាជធានីភ្នំពេញនិងតាម

បណ្ដាខេត្ដ។លោកអ៊ូអេងអគ្គនាយកនៃអគ្គនាយកដ្ឋាន អប់រំក្រសួង

អប់រំយុវជននិងកីឡាបានឱ្យដឹងតាមទូរស័ព្ទនាល្ងាចថ្ងៃទី ២៦កក្កដា



ថាមន្ដ្រីក្រសួង បានចាប់គ្រូ អនុរក្សប្រមាណ ១០នាក់បន្ទាប់ពី

ឃើញពួកគេប្រមូល ប្រាក់ពីសិស្សក្នុង បន្ទប់ប្រឡង ដែលការចាប់
 
នេះធ្វើឡើងនៅតាមមណ្ឌលប្រឡងមួយចំនួនទាំងនៅរាជធានីភ្នំពេញ

និងតាមបណ្ដាខេត្ដ។លោកមិនបញ្ជាក់ពីឈ្មោះគ្រូដែលត្រូវចាប់ដោយ

សារប្រមូល ប្រាក់ពីសិស្សនោះទេ។លោកបន្ដថាក្រៅពីនេះមន្ដ្រីក្រសួង

ក៏ចាប់បានសិស្សដែលនិយាយ ទូរស័ព្ទឆ្លើយឆ្លងទៅអ្នកនៅក្រៅមណ្ឌល

ប្រឡងផងដែរដែលអ្នកទាំងនោះនឹងត្រូវធ្វើ កំណត់ហេតុហើយបើតាម

ច្បាប់អប់រំពួកគេនឹងត្រូវប្រឡងធ្លាក់ជាស្វ័យប្រវត្ដិ។