postkhmer.com
ការធ្វើដំណើរទៅកាន់ ភូមិតាភុល ឃុំស្នាយអញ្ជិត ស្រុកជុំគិរី ខេត្តកំពត ចម្ងាយប្រមាណ១២០គីឡូម៉ែត្រពីរាជធានីភ្នំពេញ ត្រូវចំណាយពេលជិត២ម៉ោងសម្រាប់ក្រុមការងារទូរទស្សន៍អប្សរា។
គោលបំណងនៃការធ្វើដំណើររបស់ក្រុមការងាររបស់ស្ថានីយទូរទស្សន៍នេះ គឺទៅផ្ដិតយករូបភាពអស្ចារ្យនៃយុវជនវ័យក្មេងម្នាក់ដែលអះអាងថា ខ្លួនមានទេព្យកោសល្យអច្ឆរិយ។
យុវសិស្ស អ៊ីង កក្កដា សិស្សសាលាវិទ្យាល័យហ៊ុនសែនអង្គចក វ័យ១៧ឆ្នាំ បានហៅទូរស័ព្ទទៅកាន់ក្រុមការងាររបស់ស្ថានីយទូរទស្សន៍អប្សរាកាលពី សប្ដាហ៍មុនដោយថ្លែងប្រាប់ពីទេព្យកោសល្យជិះកង់ឬក៏ម៉ូតូបែរ ក្រោយ ដើម្បីចាក់ផ្សាយក្នុងកម្មវិធី «ផ្ទះលេខ១១» នារាត្រីថ្ងៃអាទិត្យ។
លោកសុខ សំណាង វ័យ៣៦ឆ្នាំ ពិធីករ និង អ្នកផលិតកម្មវិធីផ្ទះលេខ១១ House Number 11» បានថ្លែងថា មានប្រជាពលរដ្ឋគ្រប់ទឹកទីក្នុងព្រះរាជាណាចក្រកម្ពុជា ហៅទូរស័ព្ទមកលោករៀងរាល់សប្ដាហ៍ ដើម្បីផ្ដិតយករូបភាពនៃជំនាញប្លែកៗគួរឲ្យស្ញប់ស្ញែងដូចជា វេទមន្ដ ភាពអច្ឆរិយ ឬក៏ថាមពលដ៏ចម្លែក ហើយកម្មវិធីផ្ទះលេខ១១នេះ បានចាប់ផ្ដើមដំណើរការតាំងពីស្ថានីយទូរទស្សន៍អប្សរាកកើតដំបូង ក្នុងឆ្នាំ១៩៩៦ មេ្លះ។
No comments:
Post a Comment