ខេត្ដព្រះសីហនុទីតាំងល្បែង ហ្គេមច្រើនជាងសាលារៀន
ផ្សាយថ្ងៃទី០៨-០៥-២០១២: ដកស្រង http://www.nokorwatcenter.com
ខេត្ដព្រះសីហនុ ៖ កន្លែងហ្គេម ដ៏ធំមួយកំពុងពង្វក់សិស្សនៅក្នុងក្រុង-
ខេត្ដព្រះសីហនុ ។ បញ្ហាល្បែងហ្គេមខាង លើនេះ មាតាបិតាសិស្សបានលើកឡើង ថា គួរបិទសាលារៀន ឬក៏អាជ្ញាធរខេត្ដ ព្រះសីហនុទុកកន្លែងលេងហ្គេម?
ពួកគាត់បានបន្ដទៀតថា បើសិន អាជ្ញាធរចង់ឱ្យសិស្សចូលសាលារៀន មិនមាននរណាគេចសាលា គួរតែបិទ ល្បែងហ្គេម តែបើបន្ដបើកហ្គេមនោះ មិនចាំបាច់មានសាលារៀននោះទេ ព្រោះ កូនៗរបស់គាត់ចេញពីផ្ទះមិនបានចូល សាលារៀនទេតែបែរជាសំដៅទៅរក ទីតាំងបើកហ្គេមទៅវិញ ។
ការដែរអាណាព្យាបាលបានលើក ឡើងដូច្នេះក៏ព្រោះតែមួយសប្ដាហ៍ទៅ មួយសប្ដាហ៍លោកគ្រូអ្នកគ្រូបានផ្ញើលិខិត ជាបន្ដបន្ទាប់មកឱ្យពួកគាត់ ព្រោះតែ អវត្ដមានមិនឃើញសិស្សចូលសាលា ដើម្បីរៀនសូត្រ ។
អាណាព្យាបាលម្នាក់សុំមិនបញ្ចេញ ឈ្មោះបានមានប្រសាសន៍ថា ស្របពេល លិខិតអញ្ជើញរបស់នាយកសាលា ពី អវត្ដមានកូនរបស់គាត់ គឺគាត់ (អាណា ព្យាបាលសិស្ស)ផ្អាករបររកស៊ីដើម្បីតាម ដានកូន ទើបដឹងថា កូនរបស់គាត់នាំគ្នា ចូលទៅលេងហ្គេមទៅវិញ ។ អាណាព្យាបាលរូបនេះបានឱ្យ ដឹងថា គាត់បានតាមទាន់កូនកំពុងលេង ហ្គេមនៅកន្លែងគេបើកប្រព័ន្ធអ៊ីនធើ ណេតមួយដែលមានទីតាំងនៅទល់មុខ សាលមហោស្រពខេត្ដព្រះសីហនុ ស្ថិត នៅក្រុមទី៦ ភូមិ២ សង្កាត់លេខ២ ក្រុង-ខេត្ដព្រះសីហនុ មានយីហោ “ខេ អិល កុំព្យូទ័រ តិចណូឡូជី” នេះតែម្ដង ។ ដំបូងឡើយគាត់គិតថា នឹងប្រដៅកូន នៅទីនោះតែក្រោយមកបានគិតថា ប្រហែលជាកន្លែងគេមានច្បាប់ ទម្លាប់ទើបមិនហ៊ានខ្លាចថៅកែគេចាប់គាត់ដាក់គុក ។
តាមប្រភព័ត៌មានបានឱ្យដឹងដែរថា ទីតាំងខាងលើនេះកន្លងទៅអាជ្ញាធរ និង កម្លាំងសមត្ថកិច្ចធ្លាប់បានបង្ក្រាប និងរឹបអូសទូហ្គេមមួយចំនួនធំយកទៅ បំផ្លាញចោល និងថែមទាំងឱ្យម្ចាស់ទី តាំងធ្វើកិច្ចសន្យាឱ្យបញ្ចប់ល្បែងហ្គេម នេះទៀតផងចុះហេតុអ្វីបានជាល្បែង ហ្គេមនៅទីតាំងខាងលើបន្ដលេងយ៉ាង រលូនរហូតមកដល់ពេលនេះទៀត?
ជាមួយនឹងការបើកដំណើរការឱ្យមាន ល្បែងហ្គេមឱ្យសិស្សមួយចំនួនគេច សាលាចូលទៅទីនោះ គេសង្ស័យថា អាជ្ញាធរពាក់ព័ន្ធមួយចំនួនតូចនៅតែ ឃុបឃិតនិងម្ចាស់ហ្គេមនេះថ្នូរ និង លាភសក្ការៈ ។
អ្នកចូលសប្បាយដែលមិនមែនជា សិស្សសាលានៅកន្លែងទីតាំងហ្គេមខាង លើនេះបានចេញមុខអះអាងថា ការដែល គេហ៊ានលេង គឺគេមានច្បាប់អនុញ្ញាត ពីសាលាក្រុង-ខេត្ដព្រះសីហនុ ម្យ៉ាង ទៀតហ្គេមកំពុងបើកលេងនេះ គឺគេ យកតាមប្រព័ន្ធអ៊ីធើណេតដែលវាមិន មែនហ្គេមប្រភេទល្បែងស៊ីសងនោះទេ ។
ប៉ុន្ដែត្រូវអាណាព្យាបាលលើកតប ទៅវិញថាថៅកែជួលផ្ទះក្នុងមួយខែៗ រាប់ពាន់ដុល្លារតែបើបើកល្បែងហ្គេម មិនមានភ្នាល់លុយតើបានប្រាក់ឯណាទៅឱ្យថ្លៃផ្ទះ និងបុគ្គលិកនោះ?
ប្រភពដោយឡែកមួយទៀតបានឱ្យ ដឹងដែរថា នៅក្នុងខេត្ដព្រះសីហនុមិន មែនមានតែទីតាំងហ្គេមមួយកន្លែងនេះ ទេ តែនៅកន្លែងផ្សេងក្នុងខេត្ដក៏មាន ល្បែងហ្គេមច្រើនកន្លែងទៀត បើទោះបី ជាកន្លងទៅសមត្ថកិច្ចចាប់បញ្ជូនម្ចាស់ ទៅតុលាការក៏ដោយ ។
អាណាព្យាបាលសិស្សជាច្រើននៅ ខេត្ដព្រះសីហនុបានលើកឡើងថា ថៅ កែហ្គេមទាំងអស់នេះគួរតែបង្វែរមុខរបរ ពីមុខរបរអូសទាញសិស្សមិនចូលសាលា គួររកមុខរបរអ្វីដែលមិនបំផ្លាញទំញំងស្នងឫស្សីសម្រាប់ប្រទេសជាទៅ ថ្ងៃ អនាគត ។ ប៉ុន្ដែគេជឿថា ពួកថៅកែរក ស៊ីទាំងអស់នេះមុខក្រាស់ដូចស្បែកក្របី មានតែអាជ្ញាធរប៉ុណ្ណោះ បើមិនចង់ឱ្យ ពលរដ្ឋលោករិះគន់ គួរតែបញ្ចប់ល្បែង ហ្គេមទាំងអស់ជាស្ថាពរដើម្បីលើកស្ទួយវិស័យអប់រំ តែបើមិនបជ្ឈប់ទេ ប្រាកដ ជាគេចោទថា បើអាជ្ញាធរមិនបើកភ្លើង ខៀវទេ ថៅកែល្បែងទាំងនោះក៏គ្មាន អាជីវកម្មទាំងអស់នេះដែរ៕
ខេត្ដព្រះសីហនុ ៖ កន្លែងហ្គេម ដ៏ធំមួយកំពុងពង្វក់សិស្សនៅក្នុងក្រុង-
No comments:
Post a Comment