បុរសប្រពន្ធ២ជាប់សង្ស័យពីបទ រំលោភភរិយា រួចសម្លាប់
ផ្សាយថ្ងៃទី២៣-០៤-២០១២: ដកស្រងnokorwatnews.
ខេត្ដតាកែវ ៖ ភាពភ្ញាក់ផ្អើលអំពី
ករណីស្ដ្រីមេផ្ទះ ត្រូវគេប្រទះឃើញស្លាប់ នៅលើគ្រែ
លើផ្ទះកាលពីព្រឹក ថ្ងៃទី១៩ ខែមេសា ឆ្នាំ២០១២ ឥឡូវនេះសមត្ថ
កិច្ចកំណត់មុខសញ្ញាជនសង្ស័យបាន ហើយ គឺជាប្ដីរបស់ជនរងគ្រោះ ។
បច្ចុប្បន្ន ជនសង្ស័យកំពុងត្រូវបានឃុំខ្លួននៅស្នង
ការដ្ឋាននគរបាលខេត្ដ ដើម្បីស៊ើបអង្កេត បន្ដទៀត ។
បុរស
ជាប្ដីដែលត្រូវសមត្ថកិច្ច
ឃាត់ ខ្លួនឈ្មោះ ជុំ រិន្ទ អាយុ៣៣ឆ្នាំ រស់នៅ ភូមិត្រញំងកក់
ឃុំពពេល ស្រុកត្រាំកក់ ខេត្ដតាកែវ និងភរិយាឈ្មោះនាងវេន
អាយុ៣៣ឆ្នាំ មានកូនប្រុសស្រី២នាក់ នៅក្នុងបន្ទុក ។ បុរសជុំ
រិន្ទ មានមុខ របរជាអ្នករកស៊ីគក់ជេម៉ូតូនៅភ្នំពេញ។សមត្ថកិច្ចបានចាប់ខ្លួនបុរសជុំ
រិន្ទ កាលពីថ្ងៃទី២១ ខែមេសា ឆ្នាំ២០១២
បន្ទាប់ពីស៊ើបអង្កេតផ្អែកទៅលើភស្ដុតាង និងសាក្សី ។ លោកសួន
ផុន ស្នងការរង នគរបាលខេត្ដតាកែវ បានឱ្យដឹងថា
កម្លាំងនគរបាលបានស្រាវជ្រាវស៊ើប អង្កេត ហើយឈានដល់ការចាប់ខ្លួន
បុរសជាប្ដីនេះតែម្ដង ។ លោកបន្ដថា
ឃាតកជាប្ដីត្រូវបានបញ្ជូនទៅតុលាការ
ដើម្បីផ្ដន្ទាទោសក្រោមបទឃាតកម្ម គិតទុកជាមុន ។
លោកញ៉ែម សឿន
អធិការស្រុកត្រាំ កក់ បានឱ្យដឹងថា ឃាតកជាប្ដីមិនបាន
នៅជាប់លាប់ជាមួយប្រពន្ធ និងកូននៅ ឯស្រុកនោះទេ
គឺគេរកស៊ីគក់ជេម៉ូតូនៅ ភ្នំពេញ ។ តែអំឡុងពេលចូលឆ្នាំបុរស
ជាប្ដីបានមកលេងផ្ទះ ហើយនៅយប់ថ្ងៃ ទី១៩ ខែមេសា ឆ្នាំ២០១២
ជននេះ ក្រោយពីរួមភេទជាមួយប្រពន្ធហើយ ក៏
បានសម្លាប់ប្រពន្ធរបស់ខ្លួនឱ្យដេកស្លាប់
ទាំងអាក្រាតកាយនៅក្បែរកូនស្រី ដែល មានអាយុ៤ឆ្នាំ ។
លោកបន្ដថា “បុរស ជាឃាតកលួចទៅមានប្រពន្ធទី២ទៀត
នៅខេត្ដស្វាយរៀង” ដែលជាមូលហេតុ សង្ស័យនាំឱ្យមានឃាតកម្ម ។
យ៉ាងណា ក្ដីបុរសជាប់ចោទមិនសារភាពអំពីករណី ប្រពន្ធទី២នោះទេ ។បើតាមសមត្ថកិច្ច
បានឱ្យដឹងថា
នៅ ព្រឹកថ្ងៃទី២២ ខែមេសា ឆ្នាំ២០១២
បន្ទាប់ពីកម្លាំងជំនាញនៃស្នងការដ្ឋាន
នគរបាលខេត្ដកំណត់ចម្លើយជនសង្ស័យ រួច
ក៏បានសម្រេចឃុំខ្លួនបណ្ដោះអាសន្ន។
បើតាមការឆ្លើយបំភ្លឺរបស់
ជនសង្ស័យ ប្រាប់សមត្ថកិច្ចឱ្យដឹងថា មុនពេលកើត ហេតុ ប្ដីប្រពន្ធ
និងកូនបានដេកជាមួយ គ្នា លុះដល់ម៉ោងប្រហែល១០ទៅ១១ យប់
ខ្លួនបានរួមភេទជាមួយប្រពន្ធដោយ ប្រើប្រាស់ស្រោមអនាម័យ ។
បន្ទាប់ពី រួមរ័ករួច ខ្លួនក៏ច្របាច់កប្រពន្ធឱ្យស្លាប់
ទាំងអាក្រាតកាយនៅលើគ្រែ ហើយបាន យកស្រោមអនាម័យបោះចោលនៅ
ក្រោមកាំជណ្ដើរផ្ទះ រួចជិះម៉ូតូមកដេក ផ្ទះសំណាក់លីហេង
នៅសង្កាត់ចាក់ អង្រែលើ ខណ្ឌ
មានជ័យ វេលាម៉ោង១
និង៣០នាទីរំលងអធ្រាត្រ ។ជុំ រិន្ទ បាននិយាយថា
លុះព្រឹកឡើង មានបងប្អូនទូរស័ព្ទប្រាប់ខ្លួនថា ប្រពន្ធ
របស់ខ្លួនត្រូវបានគេរំលោភហើយសម្លាប់
ពេលនោះខ្លួនបានឆ្លើយពង្វាងថា ពេល នេះខ្លួនកំពុងនៅផ្សារស្គន់
ខេត្ដកំពង់ចាម តែតាមពិត គឺកំពុងនៅផ្ទះសំណាក់ក្នុង
រាជធានីភ្នំពេញសោះ ។លោកវរសេនីយ៍ទោ សែម សុជាតិនាយការិយា
ល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដតាកែវ
បានឱ្យដឹងថា តាមការស្រាវជ្រាវរបស់ សមត្ថកិច្ច
សហការជាមួយនឹងកម្លាំង នគរបាលខណ្ឌមានជ័យ និងម្ចាស់សំណាក់
បានបង្ហាញថា បុរសជាប្ដីពិតជាមាន
ការពាក់ព័ន្ធក្នុងការសម្លាប់ប្រពន្ធខ្លួនឯង ប្រាកដមែន ។បើទោះជាយ៉ាងនេះក្ដី គេនៅតែមិន ទាន់ដឹងពីមូលហេតុ ដែលបុរសជាប្ដី ដាច់ចិត្ដសម្លាប់ប្រពន្ធខ្លួននោះនៅឡើយ ទេ ៕
No comments:
Post a Comment