អាស៊ាននឹងលុបបំបាត់គ្រឿងញៀនឲ្យអស់នៅឆ្នាំ២០១៥
ផ្សាយថ្ងៃទី០3-០៤-២០១២: ដកស្រងnokorwatnews
ភ្នំពេញ៖ នៅក្នុងកិច្ចប្រជុំកំពូលរដ្ឋមន្ត្រីការបរទេសអាស៊ាននៅថ្ងៃទី២ ខែមេសា ឆ្នាំ២០១២ បានពិភាក្សាគ្នាយ៉ាងផុសផុលយល់ស្របទៅលើសេចក្តីថ្លៃងការណ៍របស់ ប្រមុខរដ្ឋអាស៊ាន ធ្វើយ៉ាងណាឲ្យអាស៊ានគ្មានគ្រឿងញៀននៅឆ្នាំ២០១៥ នេះបើតាមប្រសាសន៍របស់លោក ឧបនាយករដ្ឋមន្ត្រីហោ ណាំហុង រដ្ឋមន្ត្រីក្រសួងការបរទេសកម្ពុជា និងជាប្រធានអាស៊ាន នៅក្រោយកិច្ចប្រជុំខាងលើនេះ។លោកឧបនាយករដ្ឋមន្ត្រីហោ ណាំហុងមានប្រសាសន៍ទៅកាន់ក្រុមអ្នកកាសែតថា កិច្ចប្រជុំបាន ពិភាក្សាយល់ស្របអំពីសេចក្តីថ្លែងការណ៍របស់ប្រមុខរដ្ឋអាស៊ាន ធ្វើយ៉ាងណាឲ្យអាស៊ានមិន មានគ្រឿងញៀននៅឆ្នាំ២០១៥។លោកបន្តថា បញ្ហាគ្រឿងញៀនគឺជាបញ្ហា
ដែលមានឥទ្ធិពលលើទិដ្ឋភាព៣គឺទិដ្ឋភាព សេដ្ឋកិច្ច, ទិដ្ឋភាពសង្គម ជាពិសេសប៉ះពាល់លើយុវជននានាដែលប្រើប្រាស់គ្រឿងញៀន, បញ្ហារត់ពន្ធគ្រឿង ញៀន ដូច្នេះធ្វើយ៉ាងណា ឆ្នាំ២០១៥ធ្វើឲ្យអាស៊ានគ្មានគ្រឿងញៀន។ កិច្ចប្រជុំបានអនុម័តលើឯកសារ ដើម្បីដាក់ជូនប្រមុខរដ្ឋនៃបណ្តាប្រទេសអាស៊ានអនុម័តនៅថ្ងៃទី៣មេ សា ឆ្នាំ២០១២។ជាមួយនឹង
ការពិភាក្សាលើបញ្ហាលុប បំបាត់គ្រឿងញៀនខាងលើនេះ កិច្ចប្រជុំអាស៊ានក៏បានពិភាក្សាលើបញ្ហាបោះឆ្នោតនៅភូមាផងដែរ។ លោកឧបនាយករដ្ឋមន្ត្រីហោ ណាំហុង មានប្រសាសន៍ថា តាមព័ត៌មានបឋមដែលទទួលបានការប្រព្រឹត្តទៅសម្រាប់ការបោះឆ្នាតនៅ ប្រទេសមីយ៉ាន់ម៉ាក្នុងតម្លា ភាពដោយសេរី និងយុត្តិធម៌។ លោកបន្តថា ការបោះឆ្នោតរបស់មីយ៉ាន់ម៉ា គឺជាជំហានថ្មីមួយទៀតក្នុង ការធ្វើប្រជាធិបេតយ្យភាវូបនីយកម្មនៅប្រទេសនេះ។
លោកឧបនាយករដ្ឋមន្ត្រីបន្តទៀតថា កិច្ចប្រជុំបានឯកភាពសុំឲ្យសហគមន៍អន្តរជាតិ ពិសេសប្រទេសណាដែលដាក់ទណ្ឌកម្មសេដ្ឋកិច្ចលើមីយ៉ាន់ម៉ា សុំឲ្យដកចេញដើម្បីជម្រុញ ឲ្យកាន់តែឈានទៅមុខទៀតក្នុងការធ្វើប្រជាធិបតេយ្យភាវូបនីយកម្មនៅ មីយ៉ាន់ម៉ានេះ និងដើម្បីលើកទឹកចិត្តឲ្យបន្តដើរទៅមុខក្នុងការធ្វើកំណែទម្រង់ ប្រជាធិបតេយ្យ៕
No comments:
Post a Comment