ថ្ងៃទី២៦-១២-២០១១: ដកស្រង//kpt-news.com/
កំពត ៖ ម៉ូតូម៉ាកវេវកញ្ចាស់១គ្រឿងត្រូវបានប្រជាពលរដ្ឋប្រទះឃើញ
ចតទុក ចោលតាមមាត់ភ្លឺប្រឡាយក្នុងព្រៃក្រោយផ្ទះហើយករណីនេះមានគេសង្ស័យ ថា មានមនុស្សយកមកប្លុង
ចោលនៅទីនេះកាលពីយប់ថ្ងៃទី២៥
ខែធ្នូឆ្នាំ ២០១១ម្សិលម៉ិញហេតុការណ៍
ភ្ញាក់ផ្អើលដោយសារមានគេជួបប្រទះឃើញម៉ូតូខាងលើបាន កើតឡើងនៅ
ត្រង់ចំណុចព្រៃក្បែរប្រឡាយទឹកមួយកន្លែង ស្ថិតក្នុងភូមិដាស្គរ ឃុំបឹងសា
លាខាងជើង ស្រុកកំពង់ត្រាចខេត្តកំពត នាវេលាម៉ោង៦និង៣០នាទីព្រឹកថ្ងៃទី២៦ខែធ្នូ ឆ្នាំ២០១១អំឡុងពេលមានប្រជាពលរដ្ឋដើរឆ្លងកាត់ផ្លូវក្បែរមាត់ប្រឡាយ នោះ។
ប្រជាពលរដ្ឋដែលជួបប្រទះឃើញម៉ូតូខាងលើបានរាយការណ៍ឱ្យដឹងថា នៅពេលគាត់បានដើរឆ្លងកាត់ម្តុំព្រៃជាប់មាត់ប្រឡាយនេះ គាត់ក៏ប្រទះ
ឃើញម៉ូតូម៉ាកវេវកញ្ចាស់មួយគ្រឿងនេះបញ្ឈរទុកចោល ក្នុងព្រៃក្បែរផ្លូវ
លំតូច ទើបគាត់រាយការណ៍ជូនអាជ្ញាធរនិងសមត្ថកិច្ចឱ្យមកយកទៅរក្សាទុកដើម្បី ស្រាវជ្រាវស្វែងរកម្ចាស់ ប៉ុន្តែម៉ូតូ១គ្រឿងនេះក្រោយពីប្រកូសប្រកាសរកម្ចាស់កម្មសិទ្ធ ហាក់ដូចជាមិនទាន់រកឃើញនៅឡើយទេព្រោះម៉ូតូនេះមើលទៅចាស់ណាស់ទៅហើយ បើលក់ឱ្យអេតចាយមិនបានគ្រប់ម្ភៃម៉ឺនផង មិនតែប៉ុណ្ណោះម៉ូតូនេះនៅសល់តែតួដែកថែមទាំងគ្មានស្លាកលេខអ្វី សំរាប់ជាការសម្គាល់ឡើយ ហើយអាជ្ញាធរមូលដ្ឋានសំរេចប្រគល់ជូនទៅខាងសមត្ថកិច្ចយកទៅរក្សាទុក នៅឯអធិការដ្ឋាន ដើម្បីស្រាវជ្រាវរកម្ចាស់ដើម ក្រែងមានបងប្អូនណាមានបាត់បង់ម៉ូតូ១គ្រឿងនេះ។
បើតាមប្រភពមួយចំនួនបាននិយាយថា កាលពីយប់ម៉ិញគេឮសំលេងម៉ូតូរោទ៍នៅត្រង់ចំណុចនោះតែមួយភ្លេចរួច បាត់សំលេងរហូតលុះព្រឹកឡើងទើបមានគេជួបប្រទះឃើញម៉ូតូ១គ្រឿងនេះ ចតចោលបែបនេះតែម្តងដោយបញ្ហាខាងលើគេអាចសង្ស័យខ្លាចមានមនុស្ស ខិលខូចជិះម៉ូតូកញ្ចាស់មកធ្វើសកម្មភាពលួចទ្រព្យសម្បត្តិប្រជាពលរដ្ឋ តែដល់ពេលលួចបានហើយបញ្ឆេះម៉ូតូអត់ឆេះហើយខ្លាចគេតាមទាន់ក៏ទុក ម៉ូតូចោលនៅទីនេះតែម្តងទៅ ព្រោះកន្លងមកនៅភូមិសាស្ត្រនេះឧស្សាហ៍បាត់របស់របរដូចជាមាន់ ទា ជាដើម។ ដូចនេះបើបងប្អូនណាមានបាត់ម៉ូតូដូចមានភិនភាគដូចខាងលើ សូមទៅទំនាក់ទំនងជាមួយសមត្ថកិច្ច ដោយនាំយកឯកសារពាក់ព័ន្ធមកជាមួយផង៕
No comments:
Post a Comment