វៀតណាម ចំណាយប្រាក់៦០០លានដុល្លារ ដើម្បីទាមទាររកកេរ្ដិ៍ឈ្មោះផលិតផលកាហ្វេរបស់ខ្លួន
ផ្សាយថ្ងៃទី០៧-១១-២០១១: ព័ត៌មានអន្ដរជាតិដកស្រង dap-news
វៀតណាម ៖ យោងតាមគេហទំព័រវៀតណាម “បាវម័រ” ចុះផ្សាយកាលពីពេល
ថ្មីៗនេះថា វៀតណាម នឹងចំណាយ ប្រាក់រហូតដល់៦០០លានដុល្លារ ដើម្បីទាមទាររកកេរ្ដិ៍ឈ្មោះផលិតផលកាហ្វេដែលខ្លួនបានផលិតឡើង និងចែក ចាយលើទីផ្សារ ។
លោក ទ្រិញ ម៉ិញ ឌុក “Trinh Minh Duc ” អនុប្រធាននាយកដ្ឋានវិទ្យាសាស្ដ្រ និង
បច្ចេកវិទ្យា ដាក់ ឡាក់ “ ឌាក ឡាក ”បានលើកឡើងថា វៀតណាម នឹងចំណាយប្រាក់ចំនួន៦០០លានដុល្លារសហរដ្ឋអាមេរិក ដោយប្ដឹងយកកេរ្ដិ៍ ឈ្មោះផលិតផលកាហ្វេរបស់ខ្លួន ដែលមានឈ្មោះល្បី “Buon Ma Thuot ” ។
សូមបញ្ជាក់ថា ស្លាកយីហោដែលមានប្រជាប្រិយភាពឈ្មោះ “ Buon Ma Thuot ” នេះជាឈ្មោះល្បីល្បាញមួយ ដែលវៀតណាមជាអ្នកផលិតកាហ្វេចែកចាយនៅក្នុងតំបន់ និងនៅបរទេស ដោយឈ្មោះនេះកើតចេញពីការផលិត កាហ្វេនៅភូមិភាគ
កណ្ដាលនៃប្រទេសវៀតណាម នៅដាក់ឡាក់ ហើយមានចុះចូលក្នុងបញ្ជីនៅក្នុងប្រទេសចិន ដែលបានអភិរក្សាក្នុងអំឡុងពេល១០ឆ្នាំ ហើយពេលនេះបែរជាមាន
ចុះបញ្ជីក្នុងប្រទេសបារាំងវិញ និងមានក្រុម ហ៊ុនខុសគ្នាជាង១០ក្រុមហ៊ុនបានផ្សព្វផ្សាយគិតចាប់ពីឆ្នាំ១៩៩៧មកម្ល៉េះ ។
ទឹកប្រាក់សរុប៦០០លានដុល្លារនេះ ជាមូលនិធិបដិភាគរបស់សមាជិក សមាគមកាហ្វេ “Buon Ma Thuot” បាន ស្នើប្ដឹងតវ៉ាយកកេរ្ដិ៍ឈ្មោះមកវិញតាមរយៈក្រសួងបច្ចេកវិទ្យា និងវិទ្យាសាស្ដ្រ ។
គួរបញ្ជាក់ផងដែរថា តំបន់ខាងលើ ជាតំបន់ដែលផលិតកាហ្វេនៅក្នុងប្រទេស
វៀតណាមបាន៣០០ពាន់តោនជា រៀងរាល់ឆ្នាំ ហើយអាចធ្វើការនាំចេញកា
ហ្វេជាច្រើនតោនទៅកាន់បណ្ដាប្រទេសជាង៦០នៅលើពិភពលោក ៕
No comments:
Post a Comment