កម្មវិធីសប្បាយៗ ក្លាយជាទុក្ខ ផ្ទុះកំប៉ុងហ្គាសផ្អើល អស់អ្នកជិតខាង របួស៧នាក់
ផ្សាយថ្ងៃទី២០-១០-២០១១: ដកស្រង dap-news
ខេត្តកែប៖ មានការភ្ញាក់ផ្អើលមួយខណៈ ផ្ទុះកំប៉ុងហ្គាសកំពុងអាំងសាច់ចំកណ្តាល
ហ្វូងមនុស្សជាលក្ខណៈក្រុមគ្រួសារ និងភ្ញៀវកំពុងដើរកាត់ ឡើងទៅសម្រាកបន្ទប់របស់ខ្លួននៅជាន់ខាងលើនៃផ្ទះសំណាក់យីហោ ពន្លឺឆ្នេរត្រជាក់ចិត្តកែប បណ្តាលឱ្យ
មនុស្សរងរបួសធ្ងន់ ២និង ស្រាល ៥នាក់។
ហេតុការណ៍ផ្ទុះហ្គាសនេះកើតឡើងកាលពីវេលាម៉ោង ៨ និង១០នាទីយប់ ថ្ងៃទី ១៩
ខែតុលា ឆ្នាំ២០១១ នៅចំណុចផ្ទះសំណាក់យីហោខាងលើស្ថិតក្នុងភូមិថ្មី សង្កាត់ព្រៃធំ ក្រុងកែប ខេត្តកែប។
យោងតាមម្ចាស់ផ្ទះសំណាក់ឈ្មោះ ស៊ូ សារុំ បានប្រាប់មជ្ឈមណ្ឌលព័ត៌មានដើមអម្ពិលថា អ្នករងគ្រោះក្នុងហេតុការណ៍នេះមានចំនួន ៧នាក់។ ក្រុមគ្រួសាររបស់ខ្លួនមាន ៥នាក់ និងភ្ញៀវមកស្នាក់នៅលើផ្ទះសំណាក់នេះចំនួន ២នាក់។ ក្រុមគ្រួសារទាំង ៥នាក់ ទី១.ឈ្មោះ នេត សារ៉ាននី ភេទស្រី អាយុ ៤៧ឆ្នាំ រងរបួសស្រាលត្រូវជាប្រពន្ធរបស់ខ្លួន។ ទី២.ឈ្មោះ ចន ចាន់រិទ្ធី ភេទប្រុស អាយុ ២៣ឆ្នាំ ជាកូនបង្កើត រងរបួសស្រាល។ ទី៣. ឈ្មោះ ខេង ចរិយា ភេទស្រី អាយុ ២២ឆ្នាំ ជាប្រពន្ធរបស់ ចន ចាន់រិទ្ធី រងរបួសធ្ងន់។ ទី៤.ឈ្មោះ តេង គឹមអ៊ី ភេទស្រី អាយុ ១៩ឆ្នាំ ធ្វើជាអ្នកបម្រើក្នុងផ្ទះសំណាក់ រងរបួសស្រាល និងទី៥.ឈ្មោះ សាយ សុវណ្ណារី ភេទស្រី អាយុ ១១ឆ្នាំ នៅរៀន ត្រូវជាក្មួយបង្កើតរបស់ខ្លួន។ អ្នកទាំង ៥នេះរស់នៅភូមិឃុំកើតហេតុខាងលើ។ អ្នកទាំង ៥នាក់ត្រូវបាននាំទៅសង្គ្រោះបន្ទាន់នៅមន្ទីពេទ្យបង្អែកខេត្តកំពត។ ចំណែកភ្ញៀវ ២នាក់ មិនបានស្គាល់ឈ្មោះ ប្រុស១ ស្រី១ រងរបួសឆេះសក់ និងរលាកខ្លួនបន្តិចបន្តួច ត្រូវបាននាំទៅព្យាបាលនៅទីក្រុងភ្នំពេញទាំងយប់។
យោងតាមលោកវរៈសេនីយ៍ត្រី ងួន សាម៉េត នាយប៉ុស្តិ៍នគរបាលប្រចាំតំបន់ឆ្នេរកែបបានឱ្យដឹងថា នៅវេលាខាងលើ ក្រុមគ្រួសារនេះបានរៀបចំកម្មវិធីសប្បាយៗ ជាលក្ខណៈគ្រួសារនៅក្នុងផ្ទះសំណាក់របស់ខ្លួន ដោយមានរៀបចំស្ពកអាហារ ហើយដាក់ចង្ក្រានហ្គាសអាំងសាច់គោនៅចំកណ្តាលស្ពក ដែលមានក្រុមគ្រួសារខាងលើកំពុងអង្គុយបរិភោគនៅជុំវិញ ចង្ក្រាននោះយ៉ាងសប្បាយ ចៃដន្យចង្ក្រានផ្ទុះឡើងលាន់លឺរំពង ផ្អើលអស់អ្នកជិតខាង ដែលមានមនុស្សរស់នៅទីនោះកុះករ ឆោឡោចោមរោមមើលសំណាក់ល្អគ្រាន់តែរបួសដល់មនុស្ស មិនបាត់បងជីវិត ហើយគ្មានបណ្តាលឱ្យកើតអគ្គិភ័យឡើង ដែលនៅទីនោះមានផ្ទះល្វែងនិងផ្ទះសំណាក់នៅបន្តភ្ជាប់គ្នារដឹក ម្យ៉ាងវិញទៀងករណីនេះកំប៉ុងហ្គាសវាតូច តែបើចំអាធំប្រាកដគ្មានសល់អ្វីទេ ទាំងមនុស្ស និងសម្ភារៈ។ នគរបាលដដែលបន្តទៀតថា តាមការធ្វើកោសល្យវិច័យទៅលើករណីនេះគឺ បណ្តាលមកពីកំប៉ុងហ្គាសវាចាស់ពេក៕
No comments:
Post a Comment