គ្រោះថ្នាក់ចរាចររវាងម៉ូតូនិងម៉ូតូសាកកម្លាំងគ្នារបួសធ្ងន់ស្រាល៤នាក់ក្នុងនោះបាត់ខ្លួនម្នាក់
ផ្សាយថ្ងៃទី២៩-០៨-២០១១
kampucheathmey
កំពត ៖ ហេតុការណ៍គ្រោះថ្នាក់ចរាចរមួយបានកើតឡើងគួរអោយរន្ធត់រវាងម៉ូតូនិងម៉ូតូបុកគ្នាយ៉ាងពេញទំហឹងលាន់ដូចរន្ទះផ្អើលហាងស៊ីផឹកទាំងយប់នៅលើកំណាត់ផ្លូវជាតិលេខ៣ កំពត-ភ្នំពេញ។ឧប្បត្តិហេតុនេះបានកើតឡើងកាលពីវេលាម៉ោង៨និង១៥នាទីថ្ងៃទី២៧ ខែសីហា ឆ្នាំ២០១១ ស្ថិតនៅក្នុងភូមិក្រាំង សង្កាត់ក្រាំងអំពិល ក្រុងកំពត ខេត្តកំពត។
យោងតាមសម្ដីសាក្សីនៅកន្លែងកើតហេតុបានប្រាប់អោយកម្ពុជាថ្មីដឹងថា មុនពេលមានហេតុការណ៍នេះកើតគេបានឃើញម៉ូតូវីវ៉ាមួយគ្រឿងឌុបគ្នា២នាក់ បើកពីជើងចូលមកក្រុងដោយល្បឿនលឿន ស្រាប់តែមានម៉ូតូសង់បើកពីត្បូងក៏បុកគ្នាលាន់ផាំងឯមនុស្សបានខ្ទាតចេញពីម៉ូតូរៀងៗខ្លួន។
ប្រភពខាងលើបានអោយដឹងថាបន្ទាប់ពីកើតហេតុភ្លាមនោះប៉ូលិសក៏បានមកដល់កន្លែងកើតហេតុដឹកជនរងគ្រោះធ្ងន់ម្នាក់ទៅមន្ទីរពេទ្យខេត្តចំណែកភាគីម្ខាងទៀតមិនដឹងថាទៅណាបាត់ទេ។
លោកឆែម ហាក់អធិការរងទទួលបន្ទុកផ្នែកចរាចរក្រុងបានប្រាប់អោយកម្ពុជាថ្មីដឹងថាបន្ទាប់ពីមានហេតុការណ៍នេះកើតឡើងភ្លាមប៉ូលិសបានចុះទៅដល់កន្លែងកើតហេតុក៏បានប្រញាប់ដឹកជនរងគ្រោះម្នាក់ដោយឃើញសន្លប់និងដាច់សាច់ក្បាលជង្គង់រយះ៣សង់ទីម៉ែត្រឈាមចេញច្រើនពេកក៏ដឹកទៅកាន់មន្ទីរពេទ្យដើម្បីសង្គ្រោះបន្ទាន់។
លោកឆែម ហាក់ បានប្រាប់អោយដឹងថាជនរងគ្រោះឈ្មោះហូង សុខុម ភេទប្រុសអាយុ៣៨ឆ្នាំអ្នកបើកបរម៉ូតូវីវ៉ាពណ៌ក្រហមពាក់ស្នាកលេខកណ្ដាល១B២៥៩៣បានរងរបួសជើងខាងឆ្វេងដាច់សាច់ជង្គង់៣សង់ទីម៉ែត្របែកអង្គញ់ឌុបគ្នាពីរនាក់ពីក្រោយមាន៊ទីលំនៅភូមិត្រពាំងកញ្ឆែ ឃុំកំពង់សំរោង ស្រុកទឹកឈូ ខេត្តកំពត។
ចំណែកអ្នករួមដំណើរជាមួយពីរអ្នកមានទី១ឈ្មោះង៉ែត ស្រីវិត ភេទស្រីអាយុ ២៦ ឆ្នាំ មុខរបរកម្មកររោងចក្រស្បែកជើងបានរងរបួសស្រាល និងទី២ឈ្មោះនួន មឿន ភេទស្រីអាយុ៤៨ឆ្នាំជាងសំណង់របួសសន្លាក់ដៃជើងអ្នកទាំងពីររស់នៅភូមិឃុំជាមួយជនរងគ្រោះខាងលើ។ រីឯភាគីម្ខាងទៀតបើកម៉ូតូសង់ស៊េរី០៨ពណ៌ខ្មៅពាក់ស្លាកលេខព្រះសីហនុ១A៩៦៤៨ក្រោយពីកើតហេតុមិនដឹងថាទៅព្យាបាលនៅមន្ទីរពេទ្យណានោះទេ។ ប៉ូលិសកំពុងធ្វើការស្រាវជ្រាវ។
លោកឆែម ហាក់បានបន្តអោយដឹងថាក្រោយពីបានធ្វើការវាស់វែងរួចមកប៉ូលិសបានយកវត្ថុតាងទាំងពីរមកកាន់អធិការដ្ឋាននគរបាលក្រុងដើម្បីធ្វើការដោះស្រាយទៅតាមច្បាប់៕
No comments:
Post a Comment