ទីភ្នាក់ងារ​ ព័ត៌មានកម្ពុជា និង វៀតណាម រឹតចំណងមិត្តភាព

ថ្ងៃទី០២-០៨-២០១១
អន្ដរជាតិ
dap-news
ហាណូយៈ គណបក្សដឹកនាំ រដ្ឋាភិបាលវៀតណាម បាននិយាយាថា ខ្លូនគាំទ្រចំពោះកិច្ច សហប្រតិបត្តិការ យ៉ាងទូលំទូលាយ រវាងភ្នាក់ងារសារព័ត៌មានកម្ពុជា (AKP) និងភ្នាក់ងារ ព័ត៌មានរបស់វៀតណាម។

យោងតាមគេហ ទំព័រសារព័ត៌មាន Viet Nam News បានឱ្យដឹងនៅថ្ងៃទី០២ ខែសីហា ឆ្នាំ២០១១ នេះថា ក្នុងទីក្រុងហាណូយ កាលពីម្សិលមិញ គណៈប្រតិភូ AKP ដឹកនាំដោយអគ្គនាយករង លោក អ៊ុក គីមសេង ត្រូវបានអនុប្រធាន គណៈកម្មការ
កណ្តាលអប់រំ និងសាធារណៈ លោក Nguyen The Ky បានសរសើរពី ទំនាក់ទំនងមិត្ត
ភាព រវាងភ្នាក់ងារទាំងពីរប្រទេសនេះ ហើយអំពាវនាវឱ្យបន្តចំណងទេ្វភាគី ក្នុងការ
អភិវឌ្ឍន៍ និងកិច្ចការងារសង្គ្រោះ ក្នុងទីក្រុងហាណូយ កាលពីថ្ងៃទី០១ ខែសីហា កន្លង
ទៅ។


លោក អ៊ុក គីមសេង បានបង្ហាញថា ការកោតសរសើររបស់លោក ទៅលើការអភិវឌ្ឍន៍ របស់វៀតណាម ដោយបាននិយាយថា រូបលោកបានសម្លឹងមើលទៅមុខ ក្នុងការធ្វើការ
ងារជាមួយ ទីភ្នាក់ងារព័ត៌មានវៀតណាម (VNA) ទៅលើការផ្លាស់ប្តូរព័ត៌មាន និងការ
ហ្វឹកហាត់ធនធានមនុស្ស។ នៅថ្ងៃនោះដដែល គណៈប្រតិភូ AKP ក៏មានកិច្ចពិភាក្សាជា
មួយ អគ្គនាយករង VNA លោក Director Nguyen Duc Loi ផងដែរ។

ភាគទាំងពីរបានរំលឹក ប្រតិបត្តិការ កិច្ចព្រមព្រៀងលើសហប្រតិបត្តិការ វិជ្ជាជីវៈសារ
ព័ត៌មាន ដែលបានចុះហត្ថលេខា ក្នុងឆ្នាំ២០០៦។ លោក Nguyen Duc Loi បាននិយាយ
ថា កិច្ចសហប្រតិបត្តិការនេះ បានបង្កើតទំនាក់ទំនងផ្លែផ្កា ជាច្រើនជូនដល់ភ្នាក់ងារព័ត៌មាន និងការហ្វឹកហ្វឺន អ្នកកែសម្រួល (editor) យ៉ាងល្អ ក្នុងការគាំទ្រ បច្ចេកទេសវិស័យព័ត៌
មាន។


គណៈប្រតិភូទាំងពីរភាគី បានយល់ព្រមថា ប្រទេសទាំងពីរនឹងខំប្រឹងប្រែងយ៉ាងខ្នះខ្នែង ក្នុងការជំរុញឱ្យមានគុណភាព និង ប្រសិទ្ធភាព នៃការផ្លាស់ប្តូរព័ត៌មាន ក្នុងពិភពនយោ
បាយសេដ្ឋកិច្ច និងវប្បធម៌៕