ថ្ងៃទី២៧-០៧-២០១
postkhmer.com
កំពតៈ មន្ត្រីបាននិយាយថា មន្ទីរការងារខេត្តកំពត បានព្រមានបិទទ្វាររោង
ចក្រដេរស្បែកជើង ម៉ីងដា នៅក្នុងសង្កាត់អណ្តូងខ្មែរ ក្រុងកំពត ជាបណ្តោះ
អាសន្ន បន្ទាប់ពីរកឃើញថា ថៅកែរោងចក្រនេះ បានបំពានលើច្បាប់ការ
ងារនិងកេងចំណេញលើកម្លាំងពលកម្មរបស់កម្មករ។
លោកដួង សាវ៉ាន់ ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្ត
កំពតបានឲ្យដឹងកាលពីម្សិលមិញថា កាលពីដើមសប្ដាហ៍មុន លោកបាន
ចាត់ឲ្យមន្ត្រីមួយចំនួន ចុះត្រួតពិនិត្យពីស្ថានភាព និងលក្ខខណ្ឌការងារទូ
ទៅ នៅក្នុងរោងចក្រដេរស្បែកជើង ម៉ីងដា បន្ទាប់ពីមានសេចក្តីរាយ
ការណ៍ពីកម្មករមួយចំនួនថា ក្នុងរយៈពេលបីខែកន្លងមក ថៅកែរោងចក្រ
បានបង្ខំឲ្យកម្មករចូលធ្វើការនៅម៉ោង ៦ និង ៣០ នាទីព្រឹក និងបង្ខំឲ្យ
ធ្វើការថែមម៉ោង ដល់ម៉ោង ៨ យប់ បើកម្មករខកខាន នឹងត្រូវកាត់
ប្រាក់ខែ។
លោកបន្តថា ក្រុមការងារត្រួតពិនិត្យ បានរកឃើញកំហុសចំនួន ៣ រួម
មាន ការបង្ខំឲ្យកម្មករ ធ្វើការលើសម៉ោងក្នុងមួយថ្ងៃ ៣០ នាទី ការផ្តល់
ប្រាក់ឧបត្ថម្ភ លើការងារថែមម៉ោង មិនបានត្រឹមត្រូវ តាមលក្ខណ្ឌនៃ
ច្បាប់ការងារ និងកាត់ប្រាក់ខែពីកម្មករ ដែលបានសុំច្បាប់ឈប់សម្រាក
ព្យាបាលជំងឺ។
លោកដួង សាវ៉ាន់ បានថ្លែងថា៖«យើងបានដាក់កំហិត ក្នុងរយៈពេលពីរ
សប្តាហ៍ដល់ម្ចាស់រោងចក្រនេះ ដើម្បីធ្វើការកែសម្រួលលក្ខខណ្ឌការងារ
របស់ខ្លួនឲ្យស្របទៅនឹង ច្បាប់ការងារ និងផ្តល់សំណងទូទាត់ដល់
កម្មករ»។
មិនអាចទាក់ទងសុំការបំភ្លឺ ពីតំណាងរោងចក្រ ម៉ីង ដាបានទេ កាល
ពីម្សិលមិញ ប៉ុន្តែបើតាមលោក ដួង សាវ៉ន ឲ្យដឹងថា លោក សុភា
នាយកគ្រប់គ្រងផ្នែករដ្ឋបាលរោងចក្រនេះ បានសន្យាថា នឹងធ្វើការ
កែសម្រួលការងារមួយចំនួនឡើងវិញ ហើយនឹងមិនឲ្យមានកំហុស
បែបនេះកើតឡើងទៀតទេ។
អ្នកស្រីទ្រី ឈួន មន្ត្រីសម្របសម្រួលអង្គការអាដហុក ខេត្តកំពត បាន
សាទរ ចំពោះវិធានការនេះ ដោយថ្លែងថា៖ «យើងរីករាយ និងគាំទ្រ
ចំពោះមន្ត្រីនៃមន្ទីរការងារដែលបានចាត់វិធានការការពារសិទ្ធិ និងផល
ប្រយោជន៍របស់កម្មករ»៕
No comments:
Post a Comment