វិនិយោគិនឥណ្ឌាគ្រោងវិនិយោគរ៉ែនិងដំណាំកសិកម្មកម្ពុជា
ផ្សាយថ្ងៃទី០៩-០៩-២០១១: ដកស្រង bayontv.com
ភ្នំពេញ៖ ក្រុមអ្នកវិនិយោគទុនមួយក្រុមដឹកនាំដោយលោកបណ្ឌិត រ៉ា ចា ប្រធានក្រុមហ៊ុន P.I.M.A INTERNATIONAL មានមូលដ្ឋាននៅប្រទេសគុយវ៉ែតបានមកទស្សនកិច្ចនៅប្រទេសកម្ពុជា ជាលើកទី២កាលពីព្រឹកថ្ងៃទី០៨ខែកញ្ញា។ក្នុងដំណើរទស្សនកិច្ចនេះក្រុមហ៊ុន P.I.M.A របស់លោកបណ្ឌិតរ៉ា ចា មានគោលបំណងគ្រោងនឹងវិនិយោគលើវិស័យឧស្សាហកម្មរ៉ែ និងវិស័យកសិកម្មនៅក្នុងប្រទេសកម្ពុជា ដោយសហការណ៍ជាមួយក្រុមហ៊ុនក្នុងស្រុកមួយគឺក្រុមហ៊ុន D & D PATTNAIK GROUP។
ថ្លែងទៅកាន់អ្នកសារព័ត៌មាននៅឯប្រលានយន្ដហោះពោចិនតុងលោកបណ្ឌិតរ៉ា ចា បានបញ្ជាក់ថា លោកមានចំណាច់អារម្មណ៍យ៉ាងខ្លាំងលើការវិនិយោគនៅក្នុងប្រទេសកម្ពុជា ហើយក្រុមហ៊ុនរបស់លោកមានគម្រោងពីរជាចំបង ទី១គឺគម្រោងរុករករ៉ែ នៅខេត្តកំពង់ឆ្នាំង និងទី២គម្រោងបង្កើតម៉ាស៊ីនកិនស្រូវនៅខេត្តព្រែវែង និងខេត្តតាកែវ គម្រោងទាំងពីរនេះនិងត្រូវចំណាយទុនសរុប ប្រមាណពី១០ទៅ១៥លានដុល្លាអាមេរិក។
លោករ៉ាចា បានបន្ថែមទៀតថា ក្រុមហ៊ុនរបស់លោកមិនត្រឹមតែមកបណ្ដាក់ទុនរកប្រាក់ចំណេញប៉ុណ្ណោះទេ តែលោកនឹងផ្ដល់ការងារជាច្រើនទៀតដល់ប្រជាពលរដ្ឋខ្មែរ ជាពិសេសដល់អ្នកដែលមានជីវភាពខ្វះខាត ហើយលោកក៏មានគម្រោងមួយផ្សេងទៀតដែរគឺ សាងសង់មន្ទីរពេទ្យនៅក្នុងប្រទេសកម្ពុជា សម្រាប់ជួយព្យាបាលជូនប្រជាពលរដ្ឋកម្ពុជាដោយឥតគិតថ្ងៃ។ លោកបញ្ជាក់ទៀតថា ការិយាល័យក្រុមហ៊ុនរុករករ៉ែនៅមជ្ឈឹមបូព៌ាជាលើកដំបូងនិងត្រូវបង្កើតឡើងនៅក្នុងប្រទេសកម្ពុជា នៅបំណាច់ខែកញ្ញា ឆ្នាំ២០១១ខាងមុខនេះ៕
No comments:
Post a Comment