ផ្សាយថ្ងៃទី២០-០៣-២០១២: ដកស្រង.bayontv.com.kh
ភ្នំពេញ៖ ពិធីនេះប្រព្រឹត្តិទៅក្រោមអធិបតីភាព លោកជំទាវ ម៉ែន សំអន ឧបនាយករដ្ឋមន្ត្រីប្រចាំការ រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច នឹងជាប្រធានសមាគមនារីកម្ពុជា ដើម្បីសន្ដិភាព
និងអភិវឌ្ឍន៍ នារសៀលថ្ងៃទី១៩ ខែមីនា នៅទីស្ដីការក្រសួងសាធារណការ ។លោកជំទាវ ឈរណារី ត្រាំអ៊ីវតឹក ប្រធានកិត្តិយសសាខាសមាគមនារីកម្ពុជា ដើម្បីសន្ដិភាព និងអភិវឌ្ឍន៍ បានលើកឡើងថា សមាជិកនៃសមាគមរបស់ក្រសួងមានចំនួន៣៨១នាក់ ស្មើរនឹង១១% នៃមន្ត្រីរាជការសរុប ហើយកន្លងមកសមាជិកទាំងអស់ បានបញ្ចេញនូវកម្លាំងកាយចិត្ត ដើម្បីរួមចំណែកជាមួយសមាគមនារីថ្នាក់កណ្ដាល ក្នុងការចិញ្ចឹមចលនាស្ត្រីជាមន្ត្រីរាជការនិយោជិតក្រសួង ដើម្បីឲ្យមានសតិអារម្មណ៍ នឹងនរមានចំហររឹងប៉ឹង ច្បាស់លាស់ នឹងមានភាពកក់ក្ដៅ ដើម្បីជួយបំពេញភារកិច្ចជូនក្រសួង និងអង្គភាព ព្រមទាំងជាកម្លាំងមួយជួយរក្សាការពារសន្ដិភាព និងជម្រុញកិច្ចអភិវឌ្ឍន៍ប្រទេសលើគ្រប់វិស័យ។លោកជំទាវ ឧបនាយករដ្ឋមន្ត្រី ម៉ែន សំអន បានលើកឡើងថា សមាគមនារីកម្ពុជា ដើម្បីសន្ដិភាព និងអភិវឌ្ឍន៍ ដែលជាអង្គការមហាជនមួយបង្កើតឡើងតាំងពីថ្ងៃទី០២ ខែធ្នូ ឆ្នាំ ១៩៧៨ ក្រោមទម្រងរណសិរ្យសាមគ្គីសង្គ្រោះជាតិកម្ពុជា ។ ហើយចាប់តាំងពីបង្កើតរហូតបច្ចុប្បន្ន យុទ្ធសាស្ត្រដែលសមាគមបានបទបែនទៅតាមស្ថានភាពនយោបាយ សេដ្ឋកិច្ច និងសង្គមផងដែរ។ ប៉ុន្ដែសមាគមនៅតែរក្សាគោលគំនិតទស្សនៈវិស័យ និងបេសកកម្ម របស់ខ្លួនក្នុងការពង្រឹងភាពជាដៃគូរបស់ស្ត្រី ជាមួយបុរសក្នុងគ្រប់សកម្មភាព នឹងគ្រប់កាលៈទេសៈក្នុងការគាំទ្រគណបក្សប្រជាជនកម្ពុជា ដើម្បីកសាង និងថែរក្សាសន្ដិភាព ពិសេស ដើម្បីចូលរួមចំណែកជម្រុញនាវាកម្ពុជាឆ្ពោះទៅរក ការអភិវឌ្ឍន៍សេដ្ឋកិច្ច នឹងសង្គមកិច្ចប្រកបដោយនិរន្ដរ៍ភាព ។លោកជំទាវ ឧបនាយករដ្ឋមន្ត្រី បានបញ្ជាក់ផងដែរអំពីសមាគមនារីកម្ពុជា ដើម្បីសន្ដិភាព និងអភិវឌ្ឍន៍ នឹងក្រុមការងារស្រ្តីរបស់បក្ស យន្ដការទាំងពីរនេះ ពិតមែនតែមានឈ្មោះ នឹងសកម្មភាព ខុសគ្នាខ្លះៗមែនតែគោលដៅតែមួយ គឺសម្រេចឲ្យបាននូវចក្ខុវិស័យ នឹងគោលដៅជាយុទ្ធសាស្ត្ររបស់បក្ស ពោលគឺនូវតែប្រកាន់ខ្ជាប់ចក្ខុវិស័យយូរអង្វែងរបស់ខ្លួនគឺ ប្រមូលផ្ដុំកម្លាំងប្រជាជាតិ ទាំងមូលរួមសាមគ្គីគ្នាកសាង និងការពារមាតុភូមិកម្ពុជា ឲ្យសម្បូររុងរឿង និងស្ថិតស្ថេរគង់វង្ស ក្នុងឯករាជ អធិបតេយ្យ បូរណភាពទឹកដី សន្ដិភាព សេរីភាព ប្រជាធិបតេយ្យ អព្យាក្រិត វឌ្ឍនភាព និងសុភមង្គល៕
No comments:
Post a Comment