ផ្សាយថ្ងៃទី២០-០៣-២០១២: ដកស្រkohsantepheapdaily.com.kh
រាជធានីភ្នំពេញ ៖ រដ្ឋមន្ត្រីក្រសួងឧស្សាហកម្ម រ៉ែ និងថាមពល លោកស៊ុយ សែម ថ្លែងនៅក្នុងអង្គសន្និបាតសរុបការងាររបស់ក្រសួង សម្រាប់ឆ្នាំ២០១១ និងទិសដៅឆ្នាំ២០១២ នូវ ចំណុចសំខាន់ៗ គួរឱ្យកត់សម្គាល់ថា សន្និបាតប្រចាំឆ្នាំនេះ ប្រារព្ធឡើងដើម្បីត្រួតពិនិត្យនិងវាយតម្លៃលទ្ធផល ការងារដែលបានអនុវត្តន៍កន្លងមក និងកែលម្អនូវចំណុចខ្វះខាត ព្រមទាំងការប្តេជ្ញាចិត្តអនុវត្តន៍យុទ្ធសាស្ត្រ ចតុកោណណដំណាក់កាលទី២ របស់រាជរដ្ឋាភិបាល នីតិកាលទី៤ នៃរដ្ឋសភា ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីឈានឆ្ពោះទៅសម្រេចឱ្យបាននូវការកាត់បន្ថយភាពក្រីក្រ និងនាំមកនូវសេចក្តីសុខសាន្ត និងសុភមង្គលជូនប្រជាជន ។លោករដ្ឋមន្ត្រីថ្លែងថា
ក្នុងឆ្នាំ២០១១ កន្លងទៅនេះ ទោះបីស្ថិតក្នុងបរិបទលំបាកស្មុគស្មាញ ដែលជាផលលំបាកនៃសេដ្ឋកិច្ចសាកលក៏ដោយក៏វិស័យឧស្សាហកម្ម រ៉ែ និងថាមពលបានរួមចំណែកយ៉ាងសកម្មក្នុងការសម្រេចទិសដៅ ផែនការអភិវឌ្ឍន៍សេដ្ឋកិច្ច សង្គមកិច្ច ព្រមទាំងសម្រេចបាននូវសមិទ្ធផលធំៗជាច្រើន ។ ជាក់ស្តែងក្នុងវិស័យឧស្សាហកម្ម រោងចក្រឧស្សាហកម្មធុនធំចំនួន៧១១ នៅឆ្នាំ២០១១ គឺកើនឡើងចំនួន១៩% បើប្រៀបធៀបនឹងឆ្នាំ២០១០ ដែលមានចំនួន៥៩៩រោងចក្រ ។ ឧស្សាហកម្មតូច-សិប្បកម្មមានចំនួន៣៧.៦៤៦មូលដ្ឋាន គឺមានការកើនឡើងចំនួន១% ប្រៀបធៀបឆ្នាំ២០១០ ដែលមានចំនួន៣៧.៣២២មូលដ្ឋាន ។ ទន្ទឹមនេះ ដើម្បីជំរុញការលើកតម្កើងផលិតផលក្នុងស្រុកឱ្យមានគុណ ភាពល្អ បំពេញបាននូវតម្រូវការរបស់អង្គការពាណិជ្ជកម្មពិភពលោក ក្នុងការសម្រួលដល់ការធ្វើពាណិជ្ជកម្មអន្តរជាតិ ក្រសួងបានបង្កើតស្តង់ដារចប់ជាស្ថាពរចំនួន៥ និងសេចក្តីព្រាងស្តង់ដារបានចំនួន១៦ និងបានចេញអាជ្ញាប័ណ្ណចុះបញ្ជីផលិតផលដែលអនុលោម តាមស្តង់ដារបានចំនួន១០១ ។ ប្រើសញ្ញាសុវត្ថិភាព សម្រាប់ផលិតផលអគ្គិសនី និងអេឡិចត្រូនិកបានចំនួន២៣៦ ធ្វើការវិភាគនិងចេញវិញ្ញាបនបត្រគុណភាពផលិតផលបានចំនួន ៣.៦០៨ផលិតផល ព្រមទាំងបានពង្រីកការងារមាត្រាសាស្ត្រឱ្យដល់គ្រប់រាជធានី -ខេត្ត ដើម្បីជំរុញការអនុវត្តច្បាប់ស្តីពីមាត្រាសាស្ត្រកម្ពុជា ឱ្យមានប្រសិទ្ធភាព ។ ក្នុងការផ្គត់ផ្គង់ទឹកស្អាត ប្រជាជនរស់នៅតាមបណ្តាទីរួមខេត្ត ក្រុង ស្រុក និងទីប្រជុំជននៅទូទាំងប្រទេសប្រមាណ៦២ភាគរយបានទទួលទឹក ស្អាតប្រើប្រាស់ ។ រីឯការផលិតទឹកស្អាតរបស់រដ្ឋាករទឹកស្វយ័តរាជធានីភ្នំពេញនិង រដ្ឋាករទឹកស្វយ័តក្រុងសៀមរាប បានកើនឡើងជាបន្តបន្ទាប់ ដើម្បីបម្រើសេចក្តីត្រូវការរបស់ប្រជាពលរដ្ឋ និងសកម្មភាពសេដ្ឋកិច្ចនានានៅក្នុងតំបន់របស់ខ្លួន ។
ក្រសួងបានពង្រឹងការគ្រប់គ្រងការធ្វើអាជីវ កម្មធនធានរ៉ែ និងការអនុវត្តគម្រោងដោយធ្វើការត្រួតពិនិត្យ និងវាយតម្លៃសកម្មភាពស្វែងរកក្នុងតំបន់សម្បទាន ជាពិសេសការទប់ស្កាត់ និងលុបបំបាត់ការធ្វើអាជីវកម្មរ៉ែ ក្រោមរូបភាពសិក្សាស្រាវជ្រាវ និងការធ្វើអាជីវកម្មរ៉ែអនាធិបតេយ្យ ។ រីឯការបង់ចំណូលចូលថវិការដ្ឋដែលបានមកពីវិស័យធនធានរ៉ែ មានការកើនឡើងជាបន្តបន្ទាប់ បើប្រៀបធៀបនឹងបណ្តាឆ្នាំមុនៗ ។ទន្ទឹមនេះក្នុងវិស័យថាមពលអគ្គិសនី
បានសាងសង់រួចរាល់ជាស្ថាពរនូវគម្រោងវារីអគ្គិសនីកំចាយដែល មានអានុភាពដំឡើង១៩៣.២មេហ្គាវ៉ាត់ ត្រូវបានសម្ពោធដាក់ឱ្យដំណើរការក្រោមអធិបតីភាពដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងកំពុងបន្តអនុវត្តគម្រោងសាងសង់រោងចក្រអគ្គិសនី និងវារីអគ្គិសនី ព្រមទាំងខ្សែបណ្តាញបញ្ជូនអគ្គិសនីភ្ជាប់តំបន់ក្នុងផ្ទៃប្រទេស និងភ្ចាប់ទំនាក់ទំនងជាមួយប្រព័ន្ធអគ្គិសនីរបស់ប្រទេសជិតខាង ថែមទៀត ។សំដៅធ្វើយ៉ាងណាសម្រេចតាមយុទ្ធសាស្ត្រ និងផែនការផ្គត់ផ្គង់អគ្គិសនីគឺដល់ឆ្នាំ២០២០ ភូមិទាំងអស់ទូទាំងព្រះរាជាណាចក្រកម្ពុជា និងមានអគ្គិសនីប្រើប្រាស់ពីប្រភពអគ្គិសនីផ្សេងៗ និងដល់ឆ្នាំ២០៣០ យ៉ាងហោចណាស់៧០% នៃគ្រួសារទាំងអស់ទូទាំងព្រះរាជាណាចក្រកម្ពុជា និងមានអគ្គិសនីដែលមានគុណភាពដូចអគ្គិសនីពីបណ្តាញជាតិប្រើ ប្រាស់ ។ ម្យ៉ាងទៀត ដើម្បីត្រៀមសមាហរណកម្មចូលទៅក្នុងប្រព័ន្ធអគ្គិសនីរបស់ តំបន់អាស៊ាននិងមហាអនុតំបន់ទន្លេមេគង្គ ។លោករដ្ឋមន្ត្រី ក៏បានថ្លែងបញ្ជាក់
បន្ថែមទៀតថា រាល់លទ្ធផលការងារជាវិជ្ជមានដែលក្រសួងសម្រេចបានក្នុង ឆ្នាំ២០១១នេះ គឺបង្កលក្ខណៈសម្បត្តិអំណោយផលសម្រាប់វឌ្ឍនភាពថ្មី ៗទៀត ក្នុងការអនុវត្តទិសដៅការងារឆ្នាំ២០១២ របស់ក្រសួងឧស្សាហកម្ម រ៉ែ និងថាមពល ស្របតាមយុទ្ធសាស្ត្រចតុកោណដំណាក់កាលទី២ នៃកម្មវិធីនយោបាយរបស់រាជរដ្ឋាភិបាលនីតិកាលទី៤ នៃរដ្ឋសភា ៕
No comments:
Post a Comment