ផ្សាយថ្ងៃទី២០-០៣-២០១២: ដកស្រង kohsantepheapdaily.com.kh
ខេត្តតាកែវ ៖ យុវជនម្នាក់ក្នុងចំណោមបក្សពួក២នាក់ត្រូវបាននគរបាលស្រុក បាទី ឃាត់ខ្លួនទៅតាមពាក្យបណ្តឹងរបស់ឪពុកម្តាយជនរងគ្រោះចោទ ប្រកាន់ពីបទពួនស្ទាក់កាប់ និងវាយទៅលើកូនប្រុសរបស់គាត់ឱ្យរងរបួសជាទម្ងន់ ខណៈពួកគេមានទំនាស់ពេលរាំធុងបាស់នៅពិធីបុណ្យក្នុងភូមិ កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៨ មីនា ២០១២ ស្ថិតនៅភូមិពត់ស ឃុំពត់ស ស្រុកបាទី។លោកវរសេនីយ៍ត្រី ង៉ាន់ សារី អធិការនគរបាល
ស្រុកបាទីបានឱ្យដឹងថា ជនសង្ស័យដែលនគរបាលឃាត់ខ្លួនឈ្មោះកែវ ផាន់ណា ហៅនុយ ភេទប្រុស អាយុ២៤ឆ្នាំ រស់នៅភូមិកើតហេតុខាងលើ ។ ជននេះបានប្រើដំបងវាយទៅលើជនរងគ្រោះ រីឯបក្សពួកម្នាក់ទៀតឈ្មោះតុង គៀន ភេទប្រុស អាយុ២២ឆ្នាំ រស់នៅភូមិ ជាមួយគ្នា ជាអ្នកកាន់កាំបិតប៉័ងតោកាប់ទៅលើជនរងគ្រោះ បានរត់គេចខ្លួនបាត់ ។ ជនរងគ្រោះឈ្មោះឌី ពក ភេទប្រុស អាយុ២២ឆ្នាំ រស់នៅភូមិចំបក់ ឃុំពត់ស រងរបួសធ្ងន់រយះដៃទាំងសងខាង និងឈ្មោះអុន ថា ភេទប្រុស អាយុ២៣ឆ្នាំ នៅភូមិជាមួយគ្នារងរបួសស្រាលបញ្ជូនទៅព្យាបាលនៅមន្ទីរ ពេទ្យស្រុកបាទី ។ លោកអធិការនគរបាលស្រុកបានបន្តទៀតថា មុនថ្ងៃកើតហេតុថ្ងៃទី១៧ មីនា នៅក្នុងភូមិខាងលើមានកម្មវិធីបុណ្យខួប១០០ថ្ងៃ និងមានដាក់ធុងបាស់រាំលេងកម្សាន្តថែមទៀត ដោយមានក្មេងៗស្ទាវមករាំលេងយ៉ាងច្រើនកុះករ ពេលកំពុងរាំលេងក្មេងស្ទាវពីក្រុមបានឈ្លោះប្រកែកវាយតប់គ្នា តែត្រូវម្ចាស់កម្មវិធីឃាត់ក៏ស្ងាត់ទៅវិញ។ ឯក្រុមជនសង្ស័យមានគ្នា២នាក់បានចេញពីកន្លែងរាំទៅបាត់ មុន បន្ទាប់មកនៅវេលាម៉ោងកើតហេតុ ទើបក្រុមជនរងគ្រោះចេញទៅផ្ទះដើរតាមផ្លូវលំក្នុងភូមិ បានពាក់កណ្តាលផ្លូវក៏ជួបជាមួយក្រុមជនសង្ស័យនាំគ្នាព្រួតកាប់ និងវាយមកលើជនរងគ្រោះតែម្តង។លោកយ៉ុង ញីវ នាយរងការិយាល័យព្រហ្មទណ្ឌកម្រិតស្រាល
ខេត្តបាន ឱ្យដឹងថា យើងបានកសាងសំណុំរឿងគ្រប់គ្រាន់អស់ហើយនៅព្រឹកថ្ងៃទី១៩ មីនា នេះដើម្បីបញ្ជូនជនសង្ស័យ និងវត្ថុតាងទៅសាលាដំបុងខេត្តចាត់ការទៅតាមច្បាប់ ៕
No comments:
Post a Comment