កំពត ៖ ប្រជាពលរដ្ឋចំនួន៤០០គ្រួសារក្នុងចំណោមពីរឃុំស្ថិតក្នុងស្រុកឈូករយៈពេលប៉ុន្មានថ្ងៃនេះពួកគាត់កំពុងមានការព្រួយបារម្ភយ៉ាងខ្លាំងបានប្រតិកម្ម បន្ទាប់ពីពួកគាត់ បានដឹងនិងឃើញលិខិតរបស់អភិបានខេត្តកំពតបានកាន់មកបង្ហាញគំរាមឲ្យរើលំនៅដ្ឋានចាកចេញពីដីដែលពួកគាត់ទាំងអស់គ្នាបានកាន់កាប់អស់ពេលជាង១០ឆ្នាំកន្លងមកហើយបែរជាត្រូវលោក សំ វិចិត្រ និងក្រុមការងារខេត្តកាន់លិខិតបង្គាប់ការលេខ៣១ លបក ចុះថ្ងៃទី២៤ខែតុលាឆ្នាំ២០១១ របស់សាលាខេត្ដ ចុះពិនិត្យទីតាំងដី ស្នើសុំឈូសឆាយកាយព្រំដីដាំដំណាំកសិឧស្សាហកម្ម ដែលមានផ្ទៃដីសរុបទំហំ ១.២០៣ ហិកតា ដែលពួកគាត់ទាំងអសគ្នារស់នៅជារៀងរាល់ឆ្នាំ។
អ្នកភូមិបានបន្តឲ្យកម្ពុជាថ្មីដឹងថាបន្ទាប់ពីបានឃើញលោក សំ វិចិត្រ និងមន្ត្រីមួយចំនួនចុះមកកាន់លិខិតបង្គាប់ការ លេខ៣១ លបក ចុះថ្ងៃទី២៤ ខែតុលា ឆ្នាំ២០១១ ស្ដីពីការចាត់តាំងក្រុមការងារចុះពិនិត្យទីតាំងដីកម្មសិទ្ធិ បានធ្វើឲ្យពួកគាត់ប្រជាពលរដ្ឋជាង ៤០០ គ្រួសារ ក្នុងឃុំពីស្រុកឈូក ដែលភាគច្រើនជាកសិករ រស់នៅលើកាបង្កើតផល អស់រយៈពេលជាង ១០ឆ្នាំកន្លងមក ។
ហេតុការណ៍ដែលធ្វើឲ្យប្រជាពលរដ្ឋព្រួយបារម្ភចោទប្រកាន់ថាក្រុមមន្ត្រីទាំងនេះធ្វើការឃុបឃិតជាមួយលោក សំ វិចិត្រ រំលោភដីពួកគាត់បានកើតឡើងនៅភូមិត្រពាំងស្ដៅ ឃុំត្រពាំងភ្លាំង និងភូមិត្រពាំងថ្ម ឃុំល្បើកជាប់ព្រំប្រទល់គ្នាត្រូវបាមលោក សំ វិចិត្រ យកគ្រឿងចក្រមកធ្វើការឈូសឆាយកាយព្រំដីទំហំ១.២០៣ហិកតាប៉ះពាលដីដាំដំណាំកសិកម្មរបស់ពួកគាត់។
ពួកគាត់បានបន្តទៀតថាដីទាំងនេះគឺទិញរស់នៅបង្កើតផលដីនោះជាង១០ឆ្នាំមកហើយមិនមែនជាដីព្រៃទើបតែមកចាប់យកនោះទេពេលនេះត្រូវបានជនម្នាក់ដែលអ្នកភូមិមិនធ្លាប់ស្គាល់ទាល់តែសោះ បែរជាអាជ្ញាធរខេត្តកំពត ចេញលិខិតប្រគល់ដីដែលពួកគាត់កំពង់រស់នៅឲ្យលោក សំ វិចិត្រ ទំហំជាង ១០០០ ហិកតានោះ។
ម្យ៉ាងទៀតនៅក្នុងលិខិតដោយបានបញ្ជាក់ថា យោងលិខិតស្នើសុំចុះថ្ងៃទី១៨ ខែតុលា ឆ្នាំ២០១១ របស់ឈ្មោះ សំ វិចិត្រ ស្ដីពីសំណើសុំសិទ្ធិគ្រប់គ្រង និងដាក់គ្រឿងចក្រឈូសឆាយ កាយព្រំលើផ្ទៃដី ១.២០៣ហិកតា ស្ថិតនៅភូមិត្រពាំងស្ដៅ ឃុំត្រពាំងភ្លាំង និងភូមិត្រពាំងថ្ម ឃុំល្បើក ស្រុកឈូក ខេត្ដកំពត គឺអាជ្ញាធរខេត្តកំពត សម្រេចចាត់តាំងក្រុមការងារ មានអភិបាលរងខេត្ដម្នាក់ ជាប្រធាន នាយខណ្ឌរដ្ឋបាលព្រៃឈើកំពត និងអភិបាលស្រុកឈូក ជាអនុប្រធាន ព្រមទាំងសមត្ថកិច្ច មន្ដ្រីជំនាញពាក់ព័ន្ធនានា ជាសមាជិក ចុះពិនិត្យមើលទីតាំងស្នើសុំ ដើម្បីធ្វើរបាយការណ៍ ស្ដីពីលទ្ធផល ដែលអនុវត្ដបានជូនអភិបាលខេត្ដពិនិត្យ និងសម្រេច។
ទោះជាយ៉ាងនេះក្ដី ក្នុងលិខិតមិនបានបញ្ជាក់ពីថ្ងៃចេញដំណើររបស់ក្រុមការងារ សម្រាប់បំពេញកិច្ចការនោះទេហើយក៏មិនដឹងថាក្រុមការងារដែលចុះមកនេះរាយការណ៍ជួនលោកអភិបាលខេត្តថាដីពួកគាត់គឺជាដីព្រៃក៏មិនដឹងបានជាលោកអភិបានខេត្តដែលជាឪម៉ាយរបស់ប្រជាពលរដ្ឋចេញជាលិខិតឲ្យលោក សំ វិចិត្រ ឈូសឆាយចំការលំនៅដ្ឋានរបស់ពួកនេះដែលហៅថាអភិបាលកិច្ចល្អ។
ប្រជាពលរដ្ឋបញ្ជាក់ថា ក្រុមប្រជាពលរដ្ឋ ដែលបានចូលកាន់កាប់ដីទាំងនោះ ផ្នែកខ្លះទិញពីប្រជាពលរដ្ឋ ដែលជាអ្នកចូលមកនៅមុនៗ និងខ្លះទៀត ទិញពីទាហានខេត្ដកែប ចាប់ផ្ដើមលក់ក្នុងឆ្នាំ១៩៩។ ការចូលរស់នៅតាំងពីកាប់ឆ្ការព្រៃខ្លុង ត្បែង ដាំដំណាំស្វាយ ខ្នុរ ចន្ទី... រហូតបានទទួលផល ៧ ទៅ ៨ ឆ្នាំមកហើយ ហើយក៏មិនដែលឃើញមុខ ឬសូម្បីតែឮឈ្មោះ សំ វិចិត្រ នេះម្ដងណា ក៏មិនធ្លាប់ដែរ។
ក្រុមប្រជាពលរដ្ឋក៏បានស្នើសុំអភិបាលខេត្តកំពតគួរតែចុះពិនិត្រផ្ទាល់តែដីដែលលោក សំ វិចិត្រ ស្នើសុំនេះដីព្រៃឭក៏ដីលំនៅដ្ឋាននិងដំណាំកសិកម្មរបស់ពួកគាត់ឭក៏មិនមែនទេដូច្នេះផ្ដល់កម្មសិទ្ធិដល់ប្រជាពលរដ្ឋដែលបានកាន់កាប់និងតាំងទីលំនៅអស់រយៈពេលជាង១០ឆ្នាំដោយជាប់លាប់មានការទទួលស្កាល់ពីមេភូមិ រហូតពួកបានរស់នៅមានកូនពូនជាចៅនៅទីនោះ ដោយក្ដីអនុគ្រោះផងចុះ។ មិនទាន់មានប្រតិកម្មបែបណាពីអាជ្ញាធរខេត្តកំពត ពិសេសលោកអភិបាលខេត្តកំពត ខូយ ឃុនហួរ នៅឡើយទេ ជុំវិញការលើកឡើងរបស់ប្រជាពលរដ្ឋខាងលើ៕
No comments:
Post a Comment