ក្រុមហ៊ុនចិននឹងចាប់ផ្តើមខួងអណ្តូងប្រេងកម្ពុជាក្នុងខែនេះ នៅប្លុក F
ផ្សាយថ្ងៃទី១០-១០-២០១១: ដកស្រង cen
ព្រះសីហនុ: ក្រុមហ៊ុន China National Offshore Oil Corporation (CNOOC) របស់ចិន
ដែលទទួលបានសម្បទានកាលពីឆ្នាំ២០០៦ នៅតំបន់រុករកប្រេងប្លុក F នៅកម្ពុជា នឹងខួងអណ្តូងប្រេងមួយ ដែលស្ថិតនៅចំងាយ ៣៧ គីឡូម៉ែត្រ នៅតាមភាគខាង
ត្បូងខេត្តព្រះសីហនុ។ ក្រុមហ៊ុន CNOOC ទទួលបានការអនុញ្ញាតឲ្យខួងអណ្តូងប្រេង នៅចន្លោះខែតុលា និងខែធ្នូ ឆ្នាំ២០១១។
នៅក្នុងរបាយការណ៍កំណត់ហេតុកិច្ចប្រជុំសាធារណៈ បង្ហាញអំពីការរុករកប្រេង នៅតំបន់ដែលបានខួងនោះ បើសិនរកឃើញថាមានប្រេងមែន។
គណៈកម្មាធិការមួយ ដែលរួមមានទាំងអាជ្ញាធរជាតិប្រេងកាតកម្ពុជា ក្រសួងបរិស្ថាន និងក្រុមហ៊ុនគ្រប់គ្រងបរិស្ថានអន្តរជាតិរបស់ថៃ បានឲ្យដឹងកាលពី
ពាក់កណ្តាលខែមិថុនាថា ប្រសិនបើក្រុមហ៊ុន CNOOC រកឃើញមានប្រេង ឬឧស្ម័ន
មែននោះ អណ្តូងនេះនឹងត្រូវបិទ ដើម្បីអនុញ្ញាតឲ្យខួងនៅលើកក្រោយ។
អ្នកសង្កេតការណ៍ក្នុងឧស្សាហកម្មនេះ បានសាទរនឹងការទទួលបានរបាយការណ៍
នេះ ដោយអះអាងថាបានបង្ហាញពីការបើកចំហ និងតម្លាភាពថ្មីក្នុងឧស្សាហកម្មរុករកប្រេង ដែលទើបនឹងចាប់ផ្តើមនៅកម្ពុជា។
ក្រុមហ៊ុន Chevron របស់អាមេរិក ក្រុមហ៊ុនតូតាល់ របស់បារាំង Conoco Philips និង
Idemitsu Kosan របស់ជប៉ុន បានទទួលសម្បទានរុករកប្រេងក្នុងប្លុក A នៅកម្ពុជា ខណៈពេល PTT របស់ប្រទេសថៃ បានទទួលសម្បទាននៅប្លុក B៕
No comments:
Post a Comment