ក្រសួងផែនការប្រកាសបើកគណៈកម្មការសាខាសមាគមនារីកម្ពុជាដើម្បីសន្តិភាព និងការអភិវឌ្ឍនៃក្រសួងផែនការ
ផ្សាយថ្ងៃទី១២-១០-២០១១: ដកស្រង bayontv
ភ្នំពេញ៖ គណៈកម្មការសាខាសមាគមនារីកម្ពុជា ដើម្បីសន្តិភាព និងការអភិវឌ្ឍនៃក្រសួងផែនការ នារសៀលថ្ងៃទី១១ ខែតុលា ត្រូវបានប្រកាសបើកដំណើរការផ្លូវការ
ក្រោមអធិបតីភាព លោកជំទាវ ម៉ែន សំអន ឧបនាយករដ្ឋមន្ត្រីប្រចាំការ និងជាប្រធានសមាគមនារីកម្ពុជាដើម្បីសន្តិភាព និងការអភិវឌ្ឍ នៅទីស្តីការក្រសួងផែនការ។
ឯកឧត្តម ឆាយ ថន ទេសរដ្ឋមន្ត្រី រដ្ឋមន្រ្តីក្រសួងផែនការ មានប្រសាសន៍ថា នៅក្រសួងផែនការមាននារីសរុបចំនួន២០៣នាក់។តាមរយៈគណៈកម្មការសាខាសមាគមនារីកម្ពុជា ដើម្បីសន្តិភាព និងការអភិវឌ្ឍនៃក្រសួងផែនការ ដែលត្រូវបាន
ប្រកាសបើកដំណើរការ និងមានលោកជំទាវហង់ លីណាជាប្រធាន គឺមានតួនាទីសំ
ខាន់ក្នុងការងារការពារផលប្រយោជន៍បងប្អូននារី និងជួយឧបត្ថម្ភបងប្អូននារីពេលមានជំងឺធ្ងន់ធ្ងរ និងឆ្លងទន្លេ តាមលក្ខខ័ណ្ឌកំណត់។
ក្នុងរយៈពេលប្រាំឆ្នាំកន្លងមកនេះគណៈកម្មការសាខាសមាគមនារីកម្ពុជា ដើម្បីសន្តិភាព និងការអភិវឌ្ឍ ដែលមានលោកជំទាវឧបនាយករដ្ឋម៉ែន សំអនជាប្រធានបានចុះសាកសួរសុខទុក្ខ និងបានជួយដោះស្រាយជាច្រើនជូនបងប្អូននារីដែលមាន
ជំងឺផ្សេងៗ។ក្រៅពីនេះទៀតសមាគមបានចូលរួមសកម្មភាពការងារបច្ចេកទេស ការងារដឹកនាំ បានសម្រេចជោគជ័យជាច្រើនជូនជាតិមាតុភូមិ។
ឯកឧត្តមឆាយ ថនបន្តថា ក្នុងចំណោមសមិទ្ធិផលជាច្រើនដែលនារីបានធ្វើជូនក្រសួង គឺជាមូលដ្ឋានគ្រឹះសម្រាប់រៀបចំគោលនយោបាយអភិវឌ្ឍ សេដ្ឋកិច្ចជាតិលើ
គ្រប់វិស័យ ដែលនេះបំរើឲ្យគោលនយោបាយជាតិប្រជាជន គោលនយោបាយ កាត់
បន្ថយភាពក្រីក្រ និងសម្រេចគោលដៅអភិវឌ្ឍសហស្សវត្សរបស់កម្ពុជា។
លោកជំទាវ ម៉ែន សំអន មានប្រសាសន៍ថា ការប្រកាសដំណើរការគណៈកម្មការសាខាសមាគមនារីកម្ពុជាដើម្បីសន្តិភាព និងការអភិវឌ្ឍនៃក្រសួងផែនការគឺបានបង្ហាញពីការយកចិត្តទុកដាក់ខ្ពស់របស់ថ្នាក់ដឹកនាំគ្រប់លំដាប់ថ្នាក់នៃក្រសួងផែនការចំពោះនារី ហើយកត្តានេះទៀតគឺបានផ្តល់លទ្ធភាព និងសិទ្ធអំណាចដល់បងប្អូន
នារីឲ្យចូលរួមក្នុងកិច្ចការងារជំនាញ ការងារដឹកនាំស្ថាប័ន និងគម្រោងកម្មវិធី ព្រមទាំងមានការធ្វើសេចក្តីសម្រេចចិត្ត ផ្សេងៗក្នុងកិច្ចការងារអភិវឌ្ឍស្ថាប័ន និងការអភិវឌ្ឍប្រទេសជាតិ។
លោកជំទាវ ម៉ែន សំអន បន្តដោយបានវាយតំលៃអំពី តួនាទីសំខាន់របស់ក្រសួងផែនការ ក្នុងការរៀបចំផែនការយុទ្ធសាស្រ្តអភិវឌ្ឍជាតិ ការរៀបចំកម្មវិធីវិនិយោគសាធារណៈយុទ្ធសាស្រ្តជាតិកាត់បន្ថយភាពក្រីក្រការប្រមូលចងក្រង និងការវិភាគទិន្នន័យស្ថិតិសេដ្ឋកិច្ច និងប្រជាជន ការតាមអាត្រាកំនើនសេដ្ឋកិច្ច ដែលជាការងារជំនាញស្មុគស្មាញ ទាមទារ សមត្ថភាពខ្ពស់ ឆន្ទៈនិងភាពអត់ធ្មត់ខ្ពស់ ហើយក្នុងសម្មភាពនេះ គឺមានវត្តមាន និងការរួមចំណែកទទួលខុសត្រូវរបស់ ស្រ្តីក្នុងការងារប្រមែប្រមូលចងក្រងវិភាគទិន្នន័យ និងការរៀបចំផែនការយុទ្ធសាស្រ្តអភិវឌ្ឍ ដោយ
មិនអាចខ្វះបាន ហើយការងារនេះស្របទៅនឹងគោលដៅយុទ្ធសាស្រ្តរបស់ សមាគមនារីកម្ពុជា ដើម្បីសន្តិភាព និងការអភិវឌ្ឍផងដែរ៕
No comments:
Post a Comment