កម្ពុជាត្រូវការប្រាក់ប្រមាណ$១៣ពាន់លានទៅលើហេដ្ឋារចនាសម្ព័ន្ធ
ផ្សាយថ្ងៃទី១៤-១០-២០១១: ដកស្រង postkhmer
តូក្យូៈ ការអង្កេតរួមគ្នាមួយ ដែលធ្វើឡើងដោយគ្រឹះស្ថានមីក្រូហិរញ្ញវត្ថុល្បីៗលើពិភពលោក បានចង្អុលបង្ហាញកាលពីថ្ងៃពុធ ម្សិលមិញថា កម្ពុជាត្រូវការទឹកប្រាក់ប្រមាណ១៣ពាន់លានដុល្លារ សម្រាប់ការងារហេដ្ឋារចនាសម្ព័ន្ធ នៅត្រឹមឆ្នាំ២០២០ បើប្រទេសនេះ មាន
បំណងបន្តទាក់ទាញការវិនិយោគពីបរទេសទៀតនោះ។
នៅក្នុងសន្និសីទមួយ រៀបចំដោយទីភ្នាក់ងារកិច្ចសហប្រតិបត្តិការអន្តរជាតិជប៉ុន (JICA) និងមូលនិធិរូបិយវត្ថុអន្តរជាតិ (IMF) អ្នកជំនាញមកពីស្ថាប័នទាំងពីរ បានជំរុញឲ្យប្រទេសមានប្រាក់ចំណូលទាបចំនួន ១៦ប្រទេសនៅអាស៊ី ដែលត្រូវការទឹកប្រាក់ចំនួនប្រហែល៣៥៨ពាន់លានដុល្លារ សម្រាប់គម្រោងហេដ្ឋារចនាសម្ព័ន្ធ នៅត្រឹមឆ្នាំ២០២០ ត្រូវអនុវត្តភាពជាដៃគូរដ្ឋឯកជន ដែលជាប្រភពទាក់ទាញការវិនិយោគលើហេដ្ឋារចនាសម្ព័ន្ធ និងស្ថិរភាពធនាគារ។
អ្នកជំនាញទាំងនោះបានឲ្យដឹងថា ការវិនិយោគលើផ្លូវថ្នល់ ស្ពាន និងរោងចក្រផលិតថាមពលនៅកម្ពុជា នឹងបង្កលក្ខខណ្ឌដ៏សំខាន់សម្រាប់ទាក់ទាញការវិនិយោគ
ផ្ទាល់ពី បរទេសកាន់តែច្រើនឡើងៗ។ ការអង្កេតដែលទាញយកទិន្នន័យចេញពី JICA IMF ធនាគារអភិវឌ្ឍន៍អាស៊ី (ADB) និងធនាគារពិភពលោក បានអំពាវឲ្យមានការចំណាយទឹកប្រាក់១,២ពាន់លានដុល្លារក្នុង មួយឆ្នាំៗសម្រាប់គម្រោងហេដ្ឋារចនាសម្ព័ន្ធនៅកម្ពុជា ក្នុងនោះទឹកប្រាក់ប្រហែលជាពាក់កណ្តាលត្រូវយកទៅចាប់ផ្តើម គម្រោងថ្មី ហើយពាក់កណ្តាលទៀតសម្រាប់ថែទាំហេដ្ឋារចនាសម្ព័ន្ធដែលមាន
ស្រាប់។
លោក វង្ស សីវិសុទ្ធ អគ្គលេខាធិការនៃក្រសួងសេដ្ឋកិច្ច និងហិរញ្ញវត្ថុបានឲ្យដឹងថា ភាពជាដៃគូរដ្ឋ-ឯកជននឹងដើរតួនាទីយ៉ាងសំខាន់នៅក្នុងការ អភិវឌ្ឍហេដ្ឋារចនាសម្ព័ន្ធកម្ពុជា។
លោកបានមានប្រសាសន៍ថា៖ «យើងសង្ឃឹមថា នឹងមានការវិនិយោគលើវិស័យឯក
ជន ដែលរាប់បញ្ចូលទាំងភាពជាដៃគូរដ្ឋ-ឯកជនផងដែរ។ ម្យ៉ាងវិញទៀត យើងមានភាពជាដៃគូបែបនេះរួចហើយ»។ លោកបានបន្ថែមថា៖ «នៅពេលអនាគត យើងត្រូវ
ការប្រព័ន្ធមួយដែលអាចគ្រប់គ្រងការវិនិយោគទាំងនេះបាន កាន់តែប្រសើរ ហើយយើងត្រូវការប្រភពជំនួយកាន់តែច្រើនសម្រាប់គម្រោងកាន់ធំៗ»។
លោក វង្ស សីវិសុទ្ធ លើកឡើងថា គម្រោងវិនិយោគលើហេដ្ឋារចនាសម្ព័ន្ធធំៗមួយចំនួន មកពីចិន កូរ៉េ និងជប៉ុន នឹងបង្កើនថ្លៃចំណាយលើថាមពល និងគមនាគមន៍នៅ
ប្រទេសកម្ពុជា។ លោកអះអាងថា៖ «នេះជាសមត្ថភាពទាក់ទាញការវិនិយោគធំៗក្នុងការអភិវឌ្ឍ ដែលនឹងជះឥទ្ធិពលវិជ្ជមានដល់ការប្រកួតប្រជែងក្នុងសេដ្ឋកិច្ច
កម្ពុជា»។
លោក Faisal Ahmed ដែលជាតំណាងរបស់ IMF នៅកម្ពុជា បានឲ្យដឹងថា គម្រោងនេះពិតជាសំខាន់ណាស់ ក្នុងការការពារធនាគារដើម្បីលើកកម្ពស់ការគ្រប់គ្រង និង
ការកាត់បន្ថយផលរំខានក្នុងការសម្រេចចិត្តខ្ចី ដែលបញ្ហានេះជាញឹកញាប់ច្រើនកើត
ឡើងក្នុងធនាគាររបស់រដ្ឋ។
លោក Ahmed បានថ្លែងថា៖ «ហានិភ័យទាក់ទងនឹងស្ថិរភាពហិរញ្ញវត្ថុ ចាំបាច់ត្រូវកាត់បន្ថយតាមរយៈការពង្រឹងគុណភាព និងការសម្របសម្រួលក្នុងចំណោមស្ថាប័នគ្រប់គ្រងវិស័យធនាគារ និងមូលធនទីផ្សារ»។
លោក Takatoshi Kato ប្រធានមជ្ឈមណ្ឌលហិរញ្ញវត្ថុអន្តរជាតិជប៉ុនបានពន្យល់ថា ម្ចាស់ជំនួយ និងធនាគារអភិវឌ្ឍន៍ពហុភាគីចាំបាច់ត្រូវតែផ្តល់ការគាំទ្រដល់គម្រោង
នៅប្រទេសដែលមានប្រាក់ចំណូលទាប តាមរយៈការផ្តល់ជំនួយសម្រាប់ដំណើរការត្រៀមរៀបចំ ដើម្បីធានាដល់ការជ្រើសរើសគម្រោងត្រឹមត្រូវ និងភាពជាក់លាក់របស់គម្រោងដ៏ត្រឹមត្រូវនោះ៕
No comments:
Post a Comment