គយកំពតហាមពលរដ្ឋលក់សាំងដប តែបើកដៃឱ្យប្រេងគេចពន្ធចូលមិនទប់ស្កាត់
ផ្សាយថ្ងៃទី១៤-១០-២០១១: ដកស្រង nokorwatnews
ខេត្ដកំពត ៖ គយកំពតបញ្ចេញសាច់ដុំហាមឃាត់ប្រជាពលរដ្ឋ ដែលលក់ប្រេង និង
សាំងដបតាមផ្ទះ ប៉ុន្ដែបែរជាឃុបឃិតបើកដៃឱ្យប្រេងសាំងគេចពន្ធចូលពីប្រទេសជិតខាងក្នុងខេត្ដកំពតដូចព្យុះ ។
លោកសំ សុខា មេគយខេត្ដកំពត ចេះតែនិយាយពាក្យថា ចាំឱ្យកូនចៅពិនិត្យមើល តែគ្មានសកម្មភាពបង្ក្រាបម្ដងណាទេ ទោះបីជារថយន្ដដឹកប្រេងសាំងគេចពន្ធបរកាត់
ស្នាក់ការគយរាប់សិបគ្រឿងក្នុង១ថ្ងៃៗក៏ដោយក៏លោកឥតអើពើដែរ។ តាមការកត់សម្គាល់របស់ប្រជាពលរដ្ឋ និងមន្ដ្រីរាជការក្រុងកំពតបានឱ្យកាសែតនគរវត្ដដឹងថា បច្ចុប្បន្នគយកំពតបង្កើតកុងត្រូលពីកន្លែងចាំស្ទាក់យកលុយពីរថយន្ដដឹកទំនិញមានច្បាប់ និងអត់ច្បាប់មិនខុសពីកុងត្រូលជជុះទេ។
អាជីវករលក់សាំងដបបន្ដិចបន្ដួច ដែលទិញមកពីស្ថានីយប្រេងគយហាម ឃាត់មិនឱ្យលក់ ។ ប៉ុន្ដែបើពួកឈ្មួញនាំ ចូលប្រេងសាំគេចពន្ធចូលខេត្ដកំពតរាប់ ម៉ឺនលីត្រ រាប់ពាន់ប៊ីដុងដឹកលក់ចែកចាយពេញក្រុងកំពតទាំងយប់ទាំងថ្ងៃ រថយន្ដរាប់សិបគ្រឿងលោកគយមិនព្រមបង្ក្រាបសោះ ។
តាមប្រភពព័ត៌មានពីកម្មករទូកដឹកប្រេងគេចពន្ធម្នាក់សុំមិនបញ្ចេញឈ្មោះបានប្រាប់
ឱ្យដឹងថា សព្វថ្ងៃទូកដឹកប្រេងគេចពន្ធមាន៨គ្រឿង ទូកតូច១គ្រឿងដឹកបាន៦៥០ប៊ីដុង និងទូកធំដឹកបាន៨៣០ប៊ីដុង ដឹកប្រេងសាំងគេចពន្ធមកពីកោះរុងទឹកដីខេត្ដព្រះសីហនុ ចូលតាមព្រែកកំពត ឡើងទៅសង្កាត់អណ្ដូងខ្មែរ ក្រុងកំពតជារៀងរាល់ថ្ងៃ ។
តាមប្រភពព័ត៌មានខ្សឹបប្រាប់តាម តុកាហ្វេបានឱ្យដឹងថា ការរកស៊ីជួញ ប្រេង និងសាំងគេចពន្ធសព្វថ្ងៃ មាន២ ក្រុម ទូក៨គ្រឿង មានថៅកែប្រេង ៧នាក់ ។ ក្រុមទី១មានថៅកែប្រេង៣ នាក់ ១-ឈ្មោះទ្រី, ២-ឈ្មោះលាង និង ៣-ឈ្មោះណូង សហការ
គ្នាមានទូកដឹក ប្រេង៣គ្រឿង ។ ក្រុមទី២មានថៅកែ ប្រេង៤នាក់ ១-ឈ្មោះជ្រាវ, ២-ឈ្មោះ ម៉ាត់, ៣-ឈ្មោះរ័ត្ន និង៤-ឈ្មោះ ម៉ានី ថៅកែទាំង៤នាក់នេះ មានទូក៥
គ្រឿង។
ប្រភពព័ត៌មានបានបន្ដទៀតថា នៅដើមខែតុលានេះ ប្រមាណ១សបា្ដហ៍ មានមន្ដ្រីគយមកពីក្រសួងដាក់អូប័រ និងមានរថយន្ដចាំបង្ក្រាបប្រេង និង សាំងគេចពន្ធ ប៉ុន្ដែពួកឈ្មួញសូកលុយ បិទមាត់ក្រុមគយទាំងនោះជិតឈឹងទៅ ហើយក៏ត្រឡប់ទៅវិញ
អស់ ។ នៅថ្ងៃទី ១២,១៣ ខែតុលា ឆ្នាំ២០១១ គេសម្គាល់ ឃើញទូកដឹកប្រេងគេចពន្ធ
និងរថយន្ដ ដឹកប្រេងគេចពន្ធធ្វើសកម្មភាពដឹក ជញ្ជូនប្រេងចែកចាយពេញក្រុងកំពត
រកស៊ីយ៉ាងរលូន ។
ករណីរកស៊ីប្រេង និងសាំងគេចពន្ធ សព្វថ្ងៃនៅខេត្ដកំពត បើចង់រកស៊ីដោយមានសេចក្ដីសុខត្រូវចំណាយលុយបង់ឱ្យគយពី៥០០-១.០០០ដុល្លារ តាមការរកស៊ីតិច ឬ
ច្រើន និងបង់លុយឱ្យសមត្ថកិច្ចមួយចំនួនទៀតពិតជាអស់បញ្ហាហើយ ។
ជុំវិញព័ត៌មានគយបណ្ដែតបណ្ដោយឱ្យមានសាំងគេចពន្ធចូលដោយគ្មានការបង្ក្រាប
និងការប្រមូលប្រាក់ដាក់ហោប៉ៅបុគ្គលមន្ដ្រីគយមួយចំនួននេះនគរវត្ដមិនអាចសុំការ
ពន្យល់ពីមេគយខេត្ដមួយនេះបានទេនៅថ្ងៃទី១៣ តុលា ម្សិលមិញនេះ៕
No comments:
Post a Comment