មាសធ្លាក់ថ្លៃដោយសារអ្នកវិនិយោគនាំគ្នាលក់ចេញ
ផ្សាយថ្ងៃទី០៦-១០-២០១១: ព័ត៌មានអន្ដរជាតិៈ ដកស្រង kohsantepheapdaily
តម្លៃមាសធ្លាក់ចុះបន្តបន្ទាប់ក្នុងសប្តាហ៍នេះព្រោះ
អ្នកវិនិយោគលក់ចេញដើម្បីស្តារការខាតបង់ក្នុង
ទីផ្សារមួយទៀត។ ឯតម្លៃប្រាក់ធ្លាក់ចុះទាបបំផុតក្នុង
រយៈពេល៨ខែនេះ។
ផ្សារហ៊ុនអាមេរិក Standard& Poor បានធ្លាក់ចុះដោយសារក្តីកង្វល់ពីកញ្ចប់ប្រាក់ជំនួយលើកទី២ដល់ប្រទេសក្រិក ដែលមានសភាពមិនល្អ និងអាចរីករាលដាលវិបត្តិដល់ប្រទេសផ្សេង ដោយសារប្រាក់បំណុលរបស់រដ្ឋក្នុងទ្វីបអឺរ៉ុប ហើយបន្តគំរាមកំហែដល់ធនាគារ។ វត្ថុធាតុដើមទាំង២៤ផ្សេងទៀតនៃក្រុមហ៊ុន S&P GSCI បានធ្លាក់ចុះទាបបំផុតក្នុងរយៈ១០ខែកន្លងមកនេះ តាមតម្លៃមាស និងប្រាក់ ។
មាសបានធ្លាក់ចុះ១៦ភាគរយពីតម្លៃជាប់កំណត់ត្រាកាលពីថ្ងៃទី៦កញ្ញាដែលមានតម្លៃ ១.៩២៣,៧ដុល្លារក្នុងមួយអោន(មួយអោន=28ក្រាម។ពេលនេះតម្លៃមាសធ្លាក់ចុះ២,៥ភាគរយ ស្មើនឹង១.៦១៦ដុល្លារក្នុងមួយអោនគិតត្រឹមម៉ោង១និង៤០នាទីក្នុងទីផ្សារញូវយ៉ក។ ចំណែក ប្រាក់ធ្លាក់ចុះ៣,១ភាគរយនិងប្លាទីនធ្លាក់ចុះ៣,២ភាគរយ៕
No comments:
Post a Comment