រាជរដ្ឋាភិបាលជម្រុញការតែងតាំងឯកសារសមភាពយេនឌ័រក្នុងវិស័យដីធ្លីសម្រាប់បញ្ចូលក្នុងសៀវភៅសដីធ្លី
ផ្សាយថ្ងៃទី១៣-១០-២០១១: ដកស្រង bayontv
ភ្នំពេញ៖ កាលពីថ្ងៃទី១២ ខែតុលា ក្រុមប្រឹក្សាគោលនយោបាយដីធ្លីបានបើកសិក្ខា
សាលាពិគ្រោះយោបល់លើសេចក្តីស្នើគោលនយោបាយដីធ្លី និងយេនឌ័រសម្រាប់បញ្ចូលក្នុងសៀវភៅសដីធ្លី។
ក្នុងរយៈពេលពេញ១ថ្ងៃ អង្គសិក្ខាសាលាបានចូលរួមធ្វើបទអន្តរាគមន៍បទបង្ហាញ និងបានពិភាក្សាគ្នារវាងវាគ្មិនសំខាន់ៗមកពីក្រសួងស្ថាប័នពាក់ព័ន្ធ ដៃគូអភិវឌ្ឍដែល
ទាក់ទងទៅនឹងវិស័យដីធ្លីនៅកម្ពុជា។
មានប្រសាសន៍បិទអង្គសិក្ខាសាលា ឯកឧត្តមទេសរដ្ឋមន្ត្រី អ៊ឹម ឈុនលឹម រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ និងជាប្រធានក្រុមប្រឹក្សាគោលនយោបាយដីធ្លីបានបញ្ជាក់ថា ឯកសារសមភាពយេនឌ័រ ក្នុងវិស័យដីធ្លីសម្រាប់ដាក់បញ្ចូលក្នុងសៀវភៅសដីធ្លី រាជរដ្ឋាភិបាលកំពុងជំរុញការតាក់តែង ឲ្យបានជាសេចក្តី
ព្រាងបឋមមួយមុនដំណាច់ឆ្នាំ២០១១។
ឯកឧត្តម បានបន្តថា ដូចដែលយើងទាំងអស់គ្នាបានដឹងហើយថា រាជរដ្ឋាភិបាលកម្ពុជា បាននិងកំពុងយកចិត្តទុកដាក់ខ្ពស់ ដល់តួនាទីដ៏សំខាន់របស់ស្ត្រីក្នុងសង្គម និងជាពិសេសនៅក្នុងស្ថាប័នសាធារណៈនៅថ្នាក់ ជាតិនិងថ្នាក់ក្រោមជាតិ។
សម្តេចតេជោ លោកធ្លាប់មានប្រសាសន៍ជារឿយៗថា ស្ត្រីជាឆ្អឹងខ្នងនៃសេដ្ឋកិច្ច និង
សង្គមជាតិ ការជួយស្ត្រី គឺជួយខ្លួនឯង។ក្នុងស្មារតីនេះ ស្ត្រីត្រូវបាន ចាត់ជាមុខសញ្ញា
អាទិភាពក្នុងការលើកកំពស់ឲ្យមានការចូលរួមបានច្រើន ទៅក្នុងគ្រប់ ជីវភាពនយោបាយ សេដ្ឋកិច្ច និងសង្គម ដើម្បីបង្កើនល្បឿននៃការអភិវឌ្ឍប្រទេសជាតិ បាន
ឆាប់រហ័ស និងប្រកបដោយសមធម៌៕
No comments:
Post a Comment