មន្ត្រីស្នើឲ្យប្រទេសអភិវឌ្ឍន៍ជួយកម្ពុជាក្នុងការងារស្តីពីការប្រែប្រួលអាកាសធាតុ
ផ្សាយថ្ងៃទី០៦-១០-២០១១: ដកស្រង postkhmer
ភ្នំពេញៈ ប្រទេសកំពុងអភិវឌ្ឍន៍ដែលជា
បុព្វហេតុសំខាន់នៅពីក្រោយការប្រែប្រួលអាកាសធាតុ គួរផ្តល់ហិរញ្ញវត្ថុ
សំខាន់ដល់កិច្ចខិតខំប្រឹងប្រែងលើការងារស្តីពីបញ្ហាប្រែប្រួលអាកាសធាតុ
របស់កម្ពុជា។ នេះបើយោងតាមមន្រ្តីរដ្ឋា
ភិបាលបានថ្លែងពីម្សិលមិញនៅពិធីបិទវេទិកាជាតិស្តីពីការប្រែប្រួលអាកាស
ធាតុ។
លោក ម៉ុក ម៉ារ៉េត រដ្ឋមន្រ្តីក្រសួងបរិស្ថានបានថ្លែងកាលពីម្សិលមិញថា៖ «យើង
ជាជនរងគ្រោះនៃបញ្ហារបស់ប្រទេសអ្នកមាន។ កម្ពុជាមិនមែនជាបុព្វហេតុនៃការ
ប្រែប្រួលអាកាសធាតុទេ។ រូបភាពនៃគ្រោះទឹកជំនន់បង្ហាញថាយើងទាំងអស់គ្នា
គួរមានវិធានការនៅពេលឥឡូវនេះ»។
មន្រ្តីរដ្ឋាភិបាលជាច្រើនដែលបានថ្លែងក្នុង អំឡុងសន្និសីទនេះបានដាក់ការសង្កត់
ធ្ងន់ មួយស្តីពីកាតព្វកិច្ចប្រទេសអភិវឌ្ឍន៍ និងប្រទេសផ្តល់ជំនួយ ដើម្បីបង្កើនសកម្មភាពការងារ ស្តីពីបញ្ហាប្រែប្រួលអាកាសធាតុនៅកម្ពុជា។
លោក ស៊ុំ ធី ប្រធាននាយកដ្ឋានប្រែប្រួលអាកាសធាតុ បានថ្លែងថា៖ «ប្រទេសអភិវឌ្ឍន៍ឧស្សាហកម្មមានកាតព្វកិច្ចកាត់បន្ថយឧស្ម័នផ្ទះកញ្ចក់»។
លោកបានថ្លែងបន្តថា៖ «ប្រទេសអភិវឌ្ឍន៍គួរតែបរិច្ចាគ១,៥ ភាគរយនៃផលិតផលសរុប(GDP)របស់ពួកគេ ដើម្បីផ្តល់ថវិកាដល់ការងារប្រយុទ្ធប្រឆាំងនឹងការប្រែប្រួលអាកាសធាតុ ហើយប្រទេសអភិវឌ្ឍន៍តិចតួច គួរតែទទួលបាន៧០ភាគរយ នៃការបរិច្ចាគទាំងអស់នោះ»។
លោក ស៊ុំ ធី បានថ្លែងទៅកាន់អង្គវេទិកាទៀតថា ប្រទេសអភិវឌ្ឍន៍គួរពិចារណាពីការទទួលខុសត្រូវជាប្រវត្តិសាស្រ្តរបស់ខ្លួនក្នុងបរិការនៃគោលការណ៍នៃអនុសញ្ញា
ប្រែប្រួលអាកាសធាតុ។
លោក ម៉ុក ម៉ារេត បានថ្លែងដែរថា៖ «បញ្ហាប្រែប្រួលអាកាសធាតុ គឺជាប្រធានបទក្តៅមួយក្នុងពិភពលោក ដោយសារប៉ះពាល់ដល់ការអភិវឌ្ឍរបស់មនុស្ស។ គ្រោះទឹក
ជំនន់មានសភាពធ្ងន់ធ្ងរណាស់។ បើមិនមានការជួយពីប្រទេសកំពុងអភិវឌ្ឍទេ យើង
នឹងប្រឈមនឹងហាយនភាពដ៏ធំមិនខាន»។ នៅក្នុងវេទិកាពីម្សិលមិញ លោកក៏បានថ្លែងដែរថា គ្រោះទឹកជំនន់គឺបណ្តាលមកពីបុព្វហេតុនៃសកម្មភាពអនាធិបតេយ្យរបស់មនុស្សដែរ ដូចជា ការចាក់ដីលុបទន្លេ និងបឹង និងការកាប់ព្រៃឈើ។
នៅពេលសួរដោយភ្នំពេញប៉ុស្តិ៍ថា តើសម្បទានដីសេដ្ឋកិច្ចពាក់ព័ន្ធនឹង«សកម្មភាព
អនាធិបតេយ្យ»ឬយ៉ាងណា? លោក ម៉ុក ម៉ារ៉េត បានថ្លែងថា ក្រសួងបរិស្ថានបានទទួល«ភ្លើងខៀវ»ពីរដ្ឋាភិបាល ស្តីពីតម្រូវការសម្រាប់ការអភិវឌ្ឍ ដូចជាអភិវឌ្ឍខាង
កសិឧស្សាហកម្ម។
លោក ជុត វុទ្ធី ប្រធានក្រុមការពារធនធានធម្មជាតិ បានលើកឡើង ចំពោះការប្រែប្រួលបរិស្ថាន ខ្លះថា ត្រូវបញ្ឈប់ការកាប់ព្រៃឈើ តែអ្នកខ្លះទៀតបាននិងកំពុង
អនុញ្ញាតឲ្យគេកាប់ព្រៃឈើ រាល់ថ្ងៃក្នុងតំបន់សត្វព្រៃ និងតំបន់ការពារផ្សេងៗទៀត»៕
No comments:
Post a Comment