ទោះបីអត្រាផ្ទុកមេរោគអេដស៍នៅកម្ពុជាបាន ថយចុះមកត្រឹម០.៨%នៅ ឆ្នាំ២០១០នេះប៉ុន្តែក្រសួងកិច្ចការនារីបាន ពង្រឹងសមត្ថភាពមន្រ្តីទទួលបន្ទុកការងារនេះនៅក្នុងក្រសួងរបស់ ខ្លួន
ផ្សាយថ្ងៃទី១០-១០-២០១១: ដកស្រង bayontv
ភ្នំពេញ៖ ក្រសួងកិច្ចការនារីបានពង្រឹងសមត្ថភាពមន្រ្តីទទួលបន្ទុកការងារតាមដាននិងវាយតំលៃឆ្លើយតបមេរោគអេដស៍និងជំងឺអេដស៍តាមរយៈវគ្គបណ្តុះបណ្តាលមួយ
រយៈពេល៥ថ្ងៃដែលបើកធ្វើឡើងនាព្រឹកថ្ងៃទី១០ ខែតុលានេះនៅទីស្ដីការក្រសួង។
សិក្ខាកាមវគ្គបណ្តុះនេះជាក្រុមការងារអន្តរនាយកដ្ឋានទាំង១១ក្នុងក្រសួងកិច្ចការនារី។ ឯកឧត្តមហោ ប៊ុនឡេងអគ្គលេខាធិការ រងអាជ្ញាធរជាតិប្រយុទ្ធនឹងជំងឺអេដស៍បានលើកឡើថា ការបណ្តុះបណ្តាលនិងការផ្សព្វផ្សាយបានញឹកញាប់វាបាន
រំលឹកដាស់តឿនអប់រំអោយប្រជាពលរដ្ឋប្រុងប្រយ័ត្នជានិច្ចក្នុងការការពារមិនអោយ
រីករាលដាលមេរោគអេដស៍ជំងឺអេដស៍។
លោកជំទាវ អ៊ឹង ស៊ីថៃ រដ្ឋលេខាធិការក្រសួងកិច្ចការនារី បានលើកឡើងថា យោងតាមការស្រាវជ្រាវរបស់មជ្ឈមណ្ឌលជាតិប្រយុទ្ធនឹងជំងឺអេដស៍សើស្បែកនិងកាមរោគថានៅក្នុងប្រទេសកម្ពុជាអត្រាផ្ទុកមេរោគអេដស៍បានថយចុះមកនៅត្រឹម ០.៨%
ឆ្នាំ២០១០នេះ។លោកជំទាវបញ្ជាក់ថាទោះជាយ៉ាងនេះក៏ដោយក៏មេរោគអេដស៍នេះ
នៅតែបន្តចំលងយ៉ាងស្ងៀមស្ងាត់ដល់ប្រជាពលរដ្ឋ ដែលមិនមានការយល់ដឹងច្រើន
លើបញ្ហាសុខភាពផ្លូវភេទបញ្ហាការឆ្លងរីករាលដាលមេរោគអេដស៍ជំងឺអេដស៍។
លោកជំទាវអ៊ឹង ស៊ីថៃជម្រុញអោយសិក្ខាកាមយកចិត្តទុកដាក់ស្វែងយល់អោយបាន
|ល្អពីវគ្គបណ្តុះបណ្តាលនេះដើម្បីជួយអប់រំផ្សព្វផ្សាយដល់មន្ត្រីក្នុងក្រសួងនិងប្រជាពលរដ្ឋដើម្បីរួមគ្នាទប់ស្កាត់ការពារកាត់បន្ថយអោយបានច្រើនបំផុតរហូតលប់
បំបាត់អោយបានការ ឆ្លងរីករាលដាលមេរោគ អេដស៍ ជំងឺអេដស៍៕
No comments:
Post a Comment