បរទេសផ្តើមផ្តល់ជំនួយបន្ទាន់សម្រាប់គ្រោះទឹកជំនន់ មុនកម្ពុជាអំពាវនាវ
ផ្សាយថ្ងៃទី១២-១០-២០១១: ដកស្រង postkhmer
ភ្នំពេញៈ ជំនួយសង្គ្រោះបែប បន្ទាន់សម្រាប់មហន្តរាយទឹកជំនន់នៅប្រទេស
កម្ពុជា បានចាប់ផ្តើមនៅសប្តាហ៍នេះ បើ
ទោះជារដ្ឋាភិបាលកម្ពុជាមិនទាន់ធ្វើការអំពាវនាវជាផ្លូវការណាមួយ ស្វែងរកជំនួយបរទេសក៏ដោយ។
សហរដ្ឋអាមេរិកកាលពីម្សិលមិញ បានប្រកាសពីជំនួយរបស់ខ្លួន ដោយប្រកាសផ្តល់ជំនួយសង្គ្រោះសម្រាប់កុមារចំនួន៥ ម៉ឺនដុល្លារអាមេរិក ក្នុងបំណងផ្តល់ទៅគ្រួសាររងគ្រោះធ្ងន់ធ្ងរបំផុតចំនួន ២ ៥១៥គ្រួសារ នៅក្នុងខេត្តកំពង់ចាម។
ជាងនេះទៅទៀត អ្នកនាំពាក្យធនាគារអភិវឌ្ឍន៍អាស៊ី (ADB) បានព្រលយអំពីលទ្ធភាព ដែលមូលនិធិនេះនឹងឆ្លើយតបចំពោះគ្រោះមហន្តរាយនៅតំបន់អាស៊ីប៉ាស៊ីហ្វិក ហើយដែលអាចនឹងផ្តល់ឲ្យប្រទេសកម្ពុជាផងដែរ។
អ្នកនាំពាក្យរូបនេះបានថ្លែងបន្តថា ADB កំពុងធ្វើការយ៉ាងជិតស្និទ្ធជាមួយនឹងរដ្ឋាភិបាលកម្ពុជានៅក្នុងការកំណត់ការឆ្លើយតបបន្ទាន់សមស្រប រួមមានដូចជា លទ្ធភាពផ្តល់នូវមូលនិធិឆ្លើយតបចំពោះគ្រោះមហន្តរាយសម្រាប់តំបន់អាស៊ីប៉ាស៊ីហ្វិក។
មូលនិធិនោះ ត្រូវបានរៀបចំដើម្បីផ្តល់នូវជំនួយបន្ទាន់ ដែលមានចំនួនរហូតដល់៣
លានដុល្លារអាមេរិក សម្រាប់ប្រកាសផ្តល់ដល់ប្រទេសដែលទទួលរងគ្រោះមហន្ត
រាយធម្មជាតិនេះ»។ នេះបើយោងតាមគេហទំព័ររបស់ ADB ។
អ្នកនាំពាក្យរូបនេះបានថ្លែងបន្តទៀតថា ៖ « ADB បានធានាដល់រដ្ឋាភិបាល ចំពោះ
ការផ្តល់ជំនួយរបស់ខ្លួនជាបន្ត»។
ជំនួយរបស់ ADB និងសហរដ្ឋអាមេរិក ធ្វើឡើង ក្នុងខណៈដែលមានការសន្យាផ្តល់
កាលពីដើមសប្តាហ៍ដោយប្រទេសសិង្ហបុរី ហើយនិងប្រទេសចិន។
កាលពីថ្ងៃចន្ទ អ្នកនាំពាក្យប្រទេសសិង្ហបុរី បានប្រកាសថា នឹងផ្តល់ជំនួយ១០ ម៉ឺនដុល្លារ តាមរយៈកាកបាទក្រហមរបស់សិង្ហបុរី សម្រាប់ប្រទេសថៃ កម្ពុជា និងប្រទេសដទៃផ្សេតទៀត នៅក្នុងតំបន់ដែលទទួលរងគ្រោះដោយសារទឹកជំនន់នាពេលថ្មីៗនេះ។
រីឯប្រទេសចិនវិញកាលពីយប់ថ្ងៃអង្គារ តាមទីភ្នាក់ងារព័ត៌មានចិន ស៊ិនហួ បានរាយការណ៍ថា ចិននឹងបរិច្ចាគប្រាក់ចំនួន៥០លានយន់(ប្រមាណ៧,៨៧លានដុល្លារ
អាមេរិក)សម្រាប់កិច្ចខិតខំប្រឹងប្រែងផ្តល់ជំនួយសង្គ្រោះបន្ទាន់ ដែលបង្កដោយទឹកជំនន់នៅឆ្នាំនេះ។
លោក Edgar Pang អនុប្រធានបេសកកម្មនៅស្ថានទូតសិង្ហបុរី បានថ្លែងពីម្សិលមិញថា ជំនួយរបស់ប្រទេសសិង្ហបុរីនឹងត្រូវផ្តល់ឲ្យនាពេលខាងមុខឆាប់ៗ នេះ តាមដែលអាចធ្វើទៅបាន ដោយពន្យល់ថា កាកបាទក្រហមរបស់ប្រទេសសិង្ហបុរី កំពុងតែធ្វើការជាមួយសមភាគីកម្ពុជា ដោយធ្វើការពិភាក្សាលម្អិតអំពីការផ្តល់ជំនួយនេះ។
ជំនួយទាំងអស់ បានធ្វើឡើង បើទោះសភាពជាក់ស្តែង រាជរដ្ឋាភិបាលកម្ពុជា នៅមិនទាន់ធ្វើការអំពាវនាវជាផ្លូវការ ក្នុងការស្វែងជំនួយបរទេសក៏ដោយ។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី បានថ្លែងនៅថ្ងៃម្សិលមិញថា ស្ថានភាពគឺកំពុងស្ថិតនៅក្នុងការគ្រប់គ្រងបាន ហើយរដ្ឋាភិបាលអាចដោះស្រាយបញ្ហាបាននៅឡើយ។ លោកបានថ្លែងបន្តថា វាលឿនពេក ដូច្នេះ ការធ្វើសំណើផ្លូវការស្វែងរកជំនួយបរទេសមិនទាន់ធ្វើនៅឡើយទេ ប៉ុន្តែ នៅពេលដែលទឹកជំនន់
ស្រកចុះ ហើយការខូចខាតសរុបត្រូវបានវាយតម្លៃរួច នោះរដ្ឋាភិបាលនឹងធ្វើការអំពាវនាវដើម្បីស្វែងរកជំនួយ៕
No comments:
Post a Comment