នាយករដ្ឋមន្ត្រីចិនអំពាវនាវឱ្យពង្រឹងកិច្ចសហប្រតិបត្តិការពាណិជ្ជកម្ម និងសេដ្ឋកិច្ចជាមួយវៀតណាម
ផ្សាយថ្ងៃទី១៣-១០-២០១១: ព័ត៌មានអន្ដរជាតិៈ ដកស្រង kohsantepheapdaily
នាយករដ្ឋមន្ត្រីចិន លោកវេន ជាបាវ ថ្លែងកាលពីថ្ងៃ
ទី១២ តុលា ថា ចិនត្រៀមរួមសហការជាមួយវៀត
ណាមដើម្បីពង្រីកថែមទៀតនូវកិច្ចសហប្រតិបត្តិការ
ដោយឈរលើមូលដ្ឋាននៃការគោរពគ្នាទៅវិញទៅ
មកស្មើភាព និងមានផលប្រយោជន៍ទៅវិញទៅ
មក។
លោកវេនគូសបញ្ជាក់ថា ភាគីទាំង២ត្រូវផ្តោតលើការអនុវត្តផែនការ៥ឆ្នាំស្តីពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ចដោយជំរុញកំណើនឱ្យមានលំនឹង និងការផ្លាស់ប្តូរពាណិជ្ជកម្មប្រកបដោយចីរភាព ដោយលើកទឹកចិត្តដល់វិនិយោគទៅវិញទៅមក ជំរុញការពង្រីកតំបន់កិច្ចសហប្រតិបត្តិការ
ពាណិជ្ជកម្ម ហើយពង្រីកកិច្ចសហប្រតិបត្តិការរវាងបណ្តាខេត្តជាប់ព្រំដែនរបស់ប្រទេសទាំង២។
លោកវេន ជាបាវ ថ្លែងបែបនេះក្នុងឱកាសនៃការជួបពិភាក្សាគ្នាជាមួយអគ្គលេខាបក្សកុំមុយនីស្តវៀតណាម លោកង្វៀន ភូជុង ដែលទៅបំពេញទស្សនកិច្ចផ្លូវការមួយ
|នៅចិន ៕
No comments:
Post a Comment