ជនរងគ្រោះដោយទឹកជំនន់នៅខេត្តកំពតទទួលជំនួយសង្គ្រោះបន្ទាន់ពីអាជ្ញាធរខេត្ត
ផ្សាយថ្ងៃទី១១-១០-២០១១: ដកស្រង bayontv
កំពត៖ ប្រជាពលរដ្ឋរងគ្រោះដោយទឹកជំនន់និងកំពុងជន្លៀសទៅកាន់ទីទួលសុវត្ថិភាពចំនួន១៧២គ្រួសារ ក្នុងនោះមកពីឃុំ ត្នោតចុងស្រងើចំនួន១៣៩គ្រួសារ និងឃុំព្រៃទន្លេចំនួន៣៣គ្រួសារ បានទទួលអំណោយសង្ត្រោះបន្ទាន់ពីប្រតិភូអាជ្ញាធរខេត្តកំពត ដែលដឹកនាំដោយឯកឧត្តមខូយ ឃុនហួរអភិបាលនៃគណៈអភិបាលខេត្តកំពត និងលោកជំទាវ។
ពិធីចែកអំណោយនេះ ធ្វើឡើងនាថ្ងៃទី១០ ខែតុលា ដោយក្នុងមួយគ្រួសារទទួលបាន
មី១កេស,ប៊ីដុងចំណុះ៣០លីត្រ១ កៅស៊ូតង់១,មុង១,ខោអាវ១កំប្លេរ,សាប៊ូម្សៅ១គ.ក្រ,ថ្នាំក្លូរ៉ាមីនសំរាប់ដាក់ទឹកសំលាប់មេរោគនិងថ្នាំអាល់ប៊ែតមួយចំនួនទៀតផង។ទន្ទឹមនេះដែរ ក្រុមគ្រូពេទ្យស្ម័គ្រចិត្តខេត្តក៏បានចែកជូននូវសំភារៈចាំ
បាច់មួយចំនួនផ្តល់ជូន និងចាក់ថ្នាំបង្ការជំងឺ ព្រមទាំងពិនិត្យជំងឺជូនប្រជាពលរដ្ឋ និងកុមារដែលបាននិងកំពុងរស់នៅតាមទីទួលសុវត្ថិភាពនានា។
ក្នុងប្រសាសន៍សំណេះសំណាលឯកឧត្តម អភិបាលខេត្ត ខូយ ឃុនហួរ បានណែនាំ
ដល់មន្ត្រីជំនាញគ្រប់អង្គភាពត្រូវចុះតាមដានស្ថានភាពទឹកជំនន់ជាប្រចាំនិងរាយការណ៍ជាបន្ទាន់ដើម្បីមានវិធានការណ៍ដោះស្រាយជួយបានទាន់ពេលវេលា ពិសេសយកចិត្តទុកដាក់ថែទាំសុខភាពរបស់ប្រជាពលរដ្ឋក្នុងតំបន់មានទឹកលិចទាំង
អស់ក្នុងខេត្ត។
ឯកឧត្តម បានក្រើនរំលឹកដល់មាតាបិតា និងអាណាព្យាបាលកូនចៅទាំងអស់ សូមឱ្យរស់នៅមានអនាម័យជាប្រចាំ ដោយហូបស្អាត,រស់នៅស្អាតដើម្បីជៀសវាងបាននូវជំងឺផ្សេងៗដែលអាចកើតឡើងជាយថាហេតុនិងប្រុងប្រយ័ត្នជាប់ជាមួយកូនចៅកុំ
ឱ្យលេងទឹកដែលបណ្តាលឱ្យបាត់បង់ជីវិតដោយការលង់ទឹក។ ក្នុងឱកាសនោះ ឯកឧត្តម និងលោកជំទាវបានចូលរួមចែក អំណោយ និងចាក់ ថ្នាំបង្ការដល់កុមារទាំងអស់នៅតាមទីទួលសុវត្ថិភាពជាច្រើនកន្លែងផងដែរ ៕
No comments:
Post a Comment