មនុស្សចំនួនជាង ៦,០០០នាក់ ត្រូវជន្លៀសចេញពីកន្លែងរស់នៅ ខណៈជំនន់ទឹកភ្លៀងកើតមានក្នុងរយៈពេលប៉ុន្មានថ្ងសនេះ ក្នុងប្រទេសចិន
ផ្សាយថ្ងៃទី១០-១០-២០១១: ព័ត៌មានអន្ដរជាតិៈ ដកស្រង bayontv
ចិន៖ ព្យុះភ្លៀងបានបង្អុរធ្លាក់មិនឈប់នាពេលថ្មីៗ នៅភាគខាងត្បូងខេត្តហៃណាន នៃប្រទេសចិន បណ្តាលអោយលិចលង់ភូមិចំនួន ៧កន្លែង នៅតំបន់ហៃហ៊ួរ តាមដង
ទន្លេ ណានឌូចៀន។
ជំនន់ទឹកភ្លៀងនាពេលថ្មីៗនេះ បានធ្វើអោយខូចខាតផ្លូវធ្វើដំណើរ តាមតំបន់មួយចំនួន នៅតំបន់នោះ ខណៈដែលទឹកលិច តាមទីកន្លែងខ្លះ មានជម្រៅជាង ៣ម៉ែត្រនោះ។
ក្រុមសង្គ្រោះត្រូវបានគេបញ្ជូនទៅកាន់តំបន់រងគ្រោះ និងបានជន្លៀសជនរងគ្រោះចំនួន ៦,៣០៩នាក់ ទៅកាន់ទីទួលសុវត្ថិភាព។
ក្នុងពេលជាមួយគ្នានេះ ក្រុមផ្តល់ជំនួយ បានចែកចាយអាហារទឹកបរិភោគ ដល់អ្នក
រងគ្រោះគ្រប់ទីកន្លែង។
ចំណែកម៉ាស៊ីនភ្លើងធំៗ ជាច្រើនត្រូវគេបញ្ជូនទៅកាន់កន្លែងស្នាក់នៅរបស់ជនរងគ្រោះ ដើម្បីជួយបំភ្លឺ ក្នុងពេលសេវ៉ាអគ្គីសនីត្រូវដាច់នោះ។
ចំណែកក្រុមអ្នកនេសាទ និងក្រុមអ្នកបើកបរទូកមានល្បឿនលឿន បានយកទូករបស់ខ្លួនជួយដឹកជញ្ជូនជំនួយស្បៀងអាហារ និងទឹកបរិភោគទៅចែកចាយក្រុមជន
រងគ្រោះ ក្នុងករណីពួកគេកំពុងជួបប្រទះភាពខ្វះខាតនោះ។
គេនៅមិនទាន់ទទួលបានសេចក្តីរាយការណ៍ស្តីពីការខូចខាត ឬបាត់បង់ជីវិតប៉ុន្មាន
នោះនៅឡើយទេ៕
No comments:
Post a Comment