ចំនួនមនុស្សស្លាប់ ដោយសារទឹកជំនន់នៅប្រទេសថៃកើនឡើងដល់ ២០៦នាក់ និងបះពាល់ ១.៨លាននាក់
ផ្សាយថ្ងៃទី០៣-១០-២០១១: អន្ដរជាតិ :ដកស្រង bayontv
ថៃ៖ នាយកដ្ឋានគ្រប់គ្រងគ្រោះធម្មជាតិ និងឧតុនិយមជាតិបានអោយដឹងថា ចំនួនអ្នកស្លាប់ដោយសារទឹកជំនន់នៅប្រទេសថៃ បានកើនឡើងដល់ចំនួន ២០៦នាក់ហើយ។
ខេត្តចំនួន ៤២ ក្នុងចំណោមខេត្តទាំង ៧៦ របស់ប្រទេសថៃ ត្រូវបានទឹកជំនន់លិចលង់យ៉ាងល្ហល្ហាច បណ្តាលអោយមានការលំបាកយ៉ាងខ្លាំងដល់ប្រជាពលរដ្ឋ។
មន្ត្រីឧតុនិយមបានអោយដឹងថា៖ ខេត្តចំនួន ២៣ខេត្ត កំពុងត្រូវបានទឹកជំនន់ជន់លិចធ្ងន់ធ្ងរជាងគេ ហើយប្រជាពលរដ្ឋប្រមាណជា ១.៨លានគ្រួសារក៏កំពុងទទួលរងផលបះពាល់យ៉ាងធ្ងន់ធ្ងរផងដែរ ដោយសារតែភ្លៀងនៅតែបង្អុរធ្លាក់ចុះមិនទាន់ឈប់ឈរនៅឡើយ។
នៅក្នុងខេត្តទាំង ២៣នោះ មានស្រុកចំនួន ១៥០ស្រុក ដែលកំពុងលិចលង់ដោយទឹកជំនន់យ៉ាងធ្ងន់ធ្ងរ រុញច្រានអោយប្រជាពលរដ្ឋមួយចំនួន បានជន្លៀសខ្លួនចេញពីលំនៅស្ថាន៕
No comments:
Post a Comment