ភ្លៀងនឹងធ្លាក់ជាបន្តទៀតចាប់ពីថ្ងៃទី២៣ដល់ថ្ងៃទី២៦ខែកញ្ញាឆ្នាំ២០១១
ផ្សាយថ្ងៃទី២២-០៩-២០១១: អន្ដរជាតិៈ ដកស្រង kampucheathmey
នំពេញ ៖ យោងតាមសេចក្ដីជូនដំណឹងរបស់ក្រសួងធនធានទឹកនិងឧតុនិយមចេញផ្សាយនៅថ្ងៃទី២១ ខែកញ្ញា បានឲ្យដឹងថា ប្រព័ន្ធសម្ពាធទាបនិងជ្រលងសម្ពាធទាបបានបង្កឲ្យកើតជាភ្លៀងធ្លាក់រាយបាយពាសពេញប្រទេសជាបន្តបន្ទាប់ទៀតចាប់ពីថ្ងៃទី២៣ ដល់ថ្ងៃទី២៦ ខែកញ្ញា ឆ្នាំ២០១១។
សេចក្ដីជូនដំណឹងក៏បានឲ្យដឹងទៀតថា ភូមិសាស្ត្រដែលជាប់នៅតំបន់ភ្នំ តំបន់ជួរភ្នំ តំបន់ខ្ពង់រាប និងតំបន់មាត់សមុទ្រ ទទួលរងនូវឥទ្ធិពលបាតុភូតធម្មជាតិបង្កើតជាភ្លៀងធ្លាក់នៅតាមខេត្តក្នុងតំបន់ទាំងនោះ មានដូចជា ខេត្តព្រះវិហារ រតនគិរី មណ្ឌលគិរី ស្ទឹងត្រែង ក្រចេះ កំពង់ចាម ពោធិ៍សាត់ បាត់ដំបង បន្ទាយមានជ័យ ឧត្តរមានជ័យ កណ្ដាល តាកែវ កំពង់ស្ពឺ កំពត កែប កោះកុង និងខេត្តព្រះសីហនុ។ ចំណែកឯផ្ទៃសមុទ្រ នៃប្រទេសកម្ពុជានឹងមានរលកបោកបក់ខ្លាំង អាចមានកម្ពស់ចាប់ពី១,៥០ម៉ែត្រទៅ២ម៉ែត្រ។
យោងតាមស្ថានភាពធាតុអាកាសខាងលើក្រសួងធនធានទឹក និង ឧតុនិយម សូមជម្រាបជូនដំណឹងដល់អាជ្ញាធរដែនដី និងប្រជាពលរដ្ឋ ដែលរស់នៅតាមបណ្ដាខេត្ត ដូចបានជម្រាបជូនខាងលើ ពិសេស បងប្អូនដែលរស់នៅជាប់នឹងផ្លូវទឹក អ្នកធ្វើដំណើរតាមផ្លូវទឹក ប្រជានេសាទ សូមបង្កើនការយកចិត្តទុកដាក់ ប្រុងប្រយ័ត្នខ្ពស់ដើម្បីចៀសវាងនូវគ្រោះថ្នាក់ផ្សេងៗដែលអាចកើតមាន ជាយថាហេតុ៕
No comments:
Post a Comment